Sérkennari/þroskaþjálfi - Skarðshlíðarleikskóli

Skarðshlíðarleikskóli auglýsir eftir sérkennara/þroskaþjálfa í fullt starf.

Skarðshlíðarleikskóli er fjögurra deilda leikskóli sem uppfyllir nútímakröfur leikskólastarfs. Hann er staðsettur að Hádegisskarði 1 í einungis 4 mínútna fjarlægð frá Reykjanesbraut um Kaldárselsveg.

Hugmyndafræðilegur grunnur skólans tekur mið af lærdómssamfélagi (e. Professional Learning Community) þar sem allir læra saman og er áhersla lögð á virka þátttöku við að þróa öflugt skólastarf. Við leggjum áherslu á lýðræði, frumkvæði og lífsgleði í daglegum samskiptum og að auka leikni og færni barnanna í gegnum leikinn. Við viljum skapa góðan starfsanda þar sem allir fá að njóta sín og leggja sitt af mörkum. Stefna skólans tekur mið af Fjölgreindarkenningu Howards Gardners og Uppeldi til ábyrgðar.

Leikskólinn deilir húsnæði grunnskóla, tónlistarskóla, íþróttahúsi og bókasafni sem býður upp á mikla og spennandi möguleika á samstarfi sem er í stöðugri þróun.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

• Sinnir kennslu og stuðningi við börn sem tekur mið af þörfum þeirra og aðstæðum
• Skipuleggur sérkennslu á viðkomandi deild í samvinnu við sérkennslustjóra og deildarstjóra
• Gerir skriflegar einstaklingsnámskrár fyrir hvert barn sem nýtur sérkennslu á deildinni í samráði við sérkennslustjóra og deildarstjóra
• Vinnur í nánu samstarfi við foreldra/forráðamenn barna sem njóta sérkennslu og situr fundi og viðtöl með þeim
• Tekur þátt í teymisvinnu með sérkennslustjóra og fleirum
• Veitir faglega ráðgjöf og liðsinni til foreldra, kennara og starfsfólks
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur

• Starfsleyfi sem kennari (leyfisbréf fylgi umsókn) eða háskólamenntun á sviði þroskaþjálfunar og starfsleyfi sem slíkur
• Framhaldsmenntun á sviði sérkennslu er kostur
• Kennslureynsla og reynsla af sérkennslu æskileg
• Færni í mannlegum samskiptum og samstarfshæfni
• Frumkvæði í starfi og faglegur metnaður
• Sjálfstæð og skipulögð vinnubrögð
• Góð íslenskukunnátta

Fríðindi í starfi:

• Heilsuræktarstyrkur
• Samgöngustyrkur
• Forgangur í leikskóla
• 75% afsláttur af leikskólagjöldum
• Bókasafnskort
• Sundkort

Fáist ekki starfsmaður með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um.

Ferilskrá og leyfisbréf kennara fylgi umsókn.

Skilyrði er að viðkomandi hafi hreint sakavottorð.

Nánari upplýsingar um starfið veitir Berglind Kristjánsdóttir leikskólastjóri í síma 527 7380

Umsóknarfrestur er til 6. júní 2025

Launakjör eru samkvæmt kjarasamningi Sambands íslenskra sveitarfélaga við KÍ v/ Félags leikskólakennara.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.