Lífeyrissjóður verzlunarmanna

LV er leiðandi lífeyrissjóður sem byggir trausta fjárhagslega framtíð sjóðfélaga. Fjármunir sjóðfélaga eru ávaxtaðir með gagnssæjum og ábyrgum hætti med samfélagslega ábyrgð að leiðarljósi. Hjá sjóðnum starfar 56 manna samhent liðsheild þar sem hver og einn nær að nýta hæfileika sína og þekkingu til að sinna krefjandi verkefnum. Áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi. LV býður upp á góða starfsaðstöðu þar sem ríkir góður starfsandi í starfsumhverfi þar sem áhersla er meðal annars lögð á jafnrétti og jafnvægi á milli vinnu og einkalífs. LV hefur hlotið jafnlaunavottun.

About

Sérfræðingur í gagnalausnum

Lífeyrissjóður verzlunarmanna (LV) leitar að öflugum sérfræðingi til að þróa, reka og byggja áfram upp vöruhús gagna sjóðsins.

Starfið er lykilhlutverk á upplýsingatæknisviði. Unnið er með gögn úr öllum kjarnakerfum sjóðsins og þau gerð aðgengileg fyrir greiningar, skýrslugjöf og ákvarðanatöku.

Verkefnin eru fjölbreytt og unnin í nánu samstarfi við sérfræðinga í eignastýringu, áhættustýringu, fjármálum og rekstri. Starfinu fylgir tækifæri til að móta framtíð gagnastjórnunar hjá einum stærsta lífeyrissjóði landsins.

Helstu verkefni og ábyrgð

Móta framtíðarsýn og stefnu LV um vöruhús gagna, gagnalausnir og skýjalausnir.
Þróa og viðhalda vöruhúsi gagna, þar á meðal gagnalíkönum, gagnavinnslum og samþættingarlausnum.
Vakta gagnavinnslur, greina bilanir og vinna að úrbótum.
Tryggja gæði, rekjanleika og samræmi gagna og þróa gagnastjórnun, skjölun og öryggisferla.
Skilgreina gagnakröfur og þróa nýjar greiningarlausnir í samstarfi við svið sjóðsins.
Þróa og styðja við Power BI-lausnir, gagnasett og sjálfsafgreiðslu í greiningum.
Taka þátt í innleiðingu nýrra kerfa og gagnatenginga og í nýtingu nýrrar tækni, svo sem gervigreindar.

Menntunar- og hæfniskröfur

Háskólamenntun sem nýtist í starfi, svo sem í tölvunarfræði, verkfræði eða skyldum greinum.
Reynsla af þróun og rekstri vöruhúsa gagna, gagnavinnslum (ETL/ELT) eða samþættingarlausnum.
Góð þekking á SQL og gagnalíkönum.
Reynsla af Power BI eða sambærilegum greiningarlausnum er kostur.
Þekking á Microsoft Fabric og Azure er kostur.
Frumkvæði, sjálfstæð og öguð vinnubrögð og færni í greiningu og lausnaleit.
Þjónustulund, samstarfshæfni og hæfni til að miðla tæknilegum upplýsingum á skýran hátt.
Góð íslensku- og enskukunnátta

Við bjóðum

Krefjandi og fjölbreytt starf í öflugu sérfræðiumhverfi.
Tækifæri til að hafa áhrif á þróun gagnalausna og upplýsingatækni hjá LV.
Tækifæri til að vinna með nýjustu tækni á sviði gagna, greininga og gervigreindar.
Sveigjanlegt vinnufyrirkomulag og stuðning við faglega þróun.
Gott starfsumhverfi og samhentan hóp samstarfsfólks.

Starfið heyrir undir upplýsingatæknisvið og felur í sér náið samstarf með þróunar- og rekstrarteymi sviðsins ásamt öðrum stoð- og kjarnasviðum sjóðsins.

Umsókn skal fylgja ferilskrá og stutt kynningarbréf þar sem gerð er grein fyrir ástæðu umsóknar og hvernig viðkomandi uppfyllir hæfniskröfur starfsins. Farið verður með allar umsóknir sem trúnaðarmál og öllum umsóknum svarað.

Advertisement published12. October 2026

Application deadline26. October 2026

Language skills