Sérfræðingur í fjármálum - Heilbrigðisstofnun Norðurlands

Heilbrigðisstofnun Norðurlands (HSN) óskar eftir metnaðarfullum sérfræðingi í fjármálum til starfa á bókhaldssvið stofnunarinnar. Starfið er fjölbreytt og krefjandi og felur í sér samstarf þvert á starfsstöðvar HSN. Hægt er að sinna starfinu frá hvaða meginstarfsstöð HSN sem er. Sérfræðingur í fjármálum heyrir undir forstöðumann bókhalds, innheimtu og greininga.

Heilbrigðisstofnun Norðurlands veitir fjölbreytta heilbrigðisþjónustu á Norðurlandi og rekur rúmlega 190 sjúkra-, hjúkrunar- og dvalarrými. Meginstarfsstöðvar HSN eru á Akureyri, Blönduósi, Dalvík/Fjallabyggð, Húsavík og Sauðárkróki. Íbúar á starfssvæði HSN, sem nær frá Blönduósi í vestri til Þórshafnar í austri, eru tæplega 38.000 og starfsfólk er um 800 talsins.

Æskilegt er að viðkomandi geti hafið störf 1. janúar 2027 eða samkvæmt samkomulagi.

Helstu verkefni og ábyrgð

• Greiningar og vinna við stjórnendaupplýsingar

• Rekstraráætlun

• Fjárreiðar og greiðsla reikninga

• Afstemming bankareikninga

• Ferðauppgjör

• Stuðningur við innheimtu og sjúkratryggingar

• Önnur tilfallandi verkefni í samráði við yfirmenn

Hæfniskröfur

• Háskólamenntun sem nýtist í starfi

• Reynsla af fjármálum, rekstrargreiningum eða sambærilegum verkefnum skilyrði

• Góð greiningarhæfni, framsetning gagna og tölvukunnátta skilyrði

• Þekking á Akra (áætlunarkerfi ríkisaðila), Power BI, Qlik Sense eða sambærilegum kerfum er kostur

• Góð samskiptahæfni og jákvæðni

• Nákvæm og sjálfstæð vinnubrögð ásamt sterkri ábyrgðarkennd

• Skipulagshæfni, frumkvæði og öguð vinnubrögð

• Faglegur metnaður í starfi og árangursmiðað viðhorf

• Góð íslensku- og enskukunnátta í ræðu og riti skilyrði, önnur tungumálakunnátta er kostur

• Gott orðspor og hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af prófskírteinum.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntunar á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Starfshlutfall er 80-100%

Umsóknarfrestur er til og með 02.11.2026

Nánari upplýsingar veitir

Harpa Sif Jónsdóttir

Forst.m. bókhalds, innheimtu og greininga

Tölvupóstur: [email protected]

Sími: 432 4041

Þórhallur Harðarson

Framkvæmdastjóri fjármála og reksturs

Tölvupóstur: [email protected]

Sími: 432 4040