Sérfræðingur í skipatæknideild

• Yfirferð og mat á hönnunargögnum skipa til samræmis við viðeigandi lög og reglur, þar á meðal teikningar og önnur tæknigögn vegna nýsmíða, breytinga, viðgerða og innflutnings.
• Eftirlit með og framkvæmd mælinga á skipum ásamt útgáfu mælibréfa.
• Þátttaka í eftirliti með stöðugleika skipa.
• Virk samskipti og samvinna við hönnuði, skipasmíðastöðvar innanlands og erlendis, útgerðir og viðurkennda skoðunaraðila.
• Þátttaka í þróun verklags innan vottaðs gæðakerfis og öðrum verkefnum í samstarfi við deildarstjóra.

Við leitum að einstaklingi með öguð vinnubrögð, tæknilega innsýn og góða samskiptahæfni sem nýtist í fjölbreyttu og þverfaglegu samstarfi.

• Háskólamenntun í skipa- og vélaverkfræði, skipatækni eða annarri sambærilegri verk- eða tæknigrein.
• Nákvæmni og skipulagshæfni í vinnubrögðum.
• Góð hæfni í gagnrýninni hugsun og greiningu tæknilegra gagna.
• Frumkvæði og sjálfstæði í starfi.
• Góð samskipta- og samvinnuhæfni, bæði á íslensku og ensku.
• Sterk ferla- og umbótahugsun.