Mannréttindastofnun Íslands

Mannréttindastofnun Íslands er sjálfstæð í störfum sínum og starfar á vegum Alþingis. Meginhlutverk hennar er að efla og vernda mannréttindi á Íslandi. Stofnunin tók til starfa þann 1. maí 2025 samkvæmt lögum nr. 88/2024. Mannréttindastofnun Íslands sinnir réttindagæslu fyrir fatlað fólk. Hægt er að hafa samband vegna réttindagæslu fatlaðs fólks í síma 554-8100 (opið 9 til 16 alla virka daga en hægt að lesa inn skilaboð utan þess tíma) eða með því að senda tölvupóst á [email protected].

About

Sérfræðingur í rekstri og upplýsingamiðlun

Mannréttindastofnun Íslands auglýsir lausa til umsóknar fjölbreytta stöðu sérfræðings. Starfið felur í sér lykilverkefni tengd rekstri, fjármálum, áætlanagerð og upplýsingamiðlun. Við leitum að drífandi og fjölhæfum einstaklingi með breiða þekkingu og reynslu og hugarfar grósku.

Helstu verkefni og ábyrgð

Rekstraráætlanagerð og fjármálaumsýsla
Bókhald, uppgjör og samskipti við Fjársýslu ríkisins
Innkaup á rekstrarvörum
Umsjón með húsnæðismálum og samningagerð
Umsjón með þróun vefsíðu og samfélagsmiðla
Textagerð og efnissköpun, m.a. fyrir stafræna miðla
Aðkoma að skjalavistun og upplýsingatæknimálum

Menntunar- og hæfniskröfur

Háskólamenntun sem nýtist í starfi
Haldbær reynsla af fjármálum og rekstri
Reynsla af samningagerð er kostur
Reynsla af textagerð og vefumsjón
Framúrskarandi samskiptahæfni og hugarfar grósku
Frumkvæði, sveigjanleiki og sjálfstæð vinnubrögð
Gott vald á íslensku og ensku í ræðu og riti
Góð tölvukunnátta
Áhugi á mannréttindum
Hreint sakavottorð

Frekari upplýsingar um starfið

Starfshlutfall er sveigjanlegt og getur verið allt að 100% eftir samkomulagi. Öll sem hafa áhuga eru hvött til að sækja um en við ráðningu verður tekið mið af lögum um jafna meðferð á vinnumarkaði nr. 86/2018 og lögum um jafna stöðu og jafnan rétt kynjanna nr. 150/2020.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Um laun fer samkvæmt gildandi kjarasamningi sem forseti Alþingis og Félag starfsmanna Alþingis hafa gert. Umsókn gildir í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir. Æskilegt er að viðkomandi geti hafið störf sem fyrst.

Nánari upplýsingar veita:

Margrét María Sigurðardóttir, framkvæmdastjóri Mannréttindastofnunar Íslands, [email protected] og Geirlaug Jóhannsdóttir, framkvæmdastjóri Hagvangs, [email protected]

Advertisement published9. February 2026

Application deadline25. February 2026

Language skills