Landsnet hf.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar.Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

About

Sérfræðingur í kerfisgreiningum - tímabundið starf

Viltu taka þátt í þróun flutningskerfis rafmagns á Íslandi?

Við leitum að sérfræðingi í kerfisgreiningum í tímabundið starf til eins árs sem vill hafa áhrif á þróun flutningskerfis rafmagns og taka þátt í spennandi tímum orkuskipta. Þú verður hluti af öflugu teymi sérfræðinga sem sinna greiningum og áætlanagerð fyrir flutningskerfi Landsnets og tryggja þannig traustar tengingar nýrra virkjana og notenda við kerfið.

Þetta er einstakt tækifæri fyrir nýútskrifaða raforkuverkfræðinga eða aðra með brennandi áhuga á raforkukerfinu og þróun flutningskerfisins til að öðlast dýrmæta reynslu og taka virkan þátt í framtíðinni.

Helstu verkefni og ábyrgð

Framkvæma kerfisgreiningar og stuðla að traustri áætlanagerð sem leggur grunn að fjárfestingum í flutningskerfinu.
Taka þátt í greiningu á áhrifum nýrra virkjana, notenda og breytinga á flutningskerfinu.
Vinna með aflflæðihermum og greiningartólum við útreikninga og sviðsmyndagreiningar.
Þróa verklag og aðferðir til að efla gagnanýtingu og auka skilvirkni.
Taka þátt í þróunarverkefnum og samstarfi við sérfræðinga innan og utan Landsnets.

Menntunar- og hæfniskröfur

Menntun á sviði raforkuverkfræði. Mikil starfsreynsla getur vegið upp á móti formlegri menntun.
Reynsla af notkun aflflæðiherma (t.d. DigSilent Power Factory eða sambærilegt).
Þekking á kerfisgreiningum, gagnavinnslu og framsetningu gagna.
Hæfni í textaskrifum og skýrslugerð er æskileg.
Þekking á forritun í Python er kostur.
Skipulögð, sjálfstæð og lausnamiðuð vinnubrögð.
Hæfni og þor til að taka ákvarðanir og tjá sig faglega.

Fríðindi í starfi

Tækifæri til að hafa bein áhrif á þróun flutningskerfis rafmagns Íslands.
Þverfaglegt og skapandi starfsumhverfi sem leggur áherslu á nýsköpun og umbætur.
Samstarf við fjölbreyttan hóp sérfræðinga sem vinna að framtíð raforkukerfisins.
Skemmtilegt vinnuumhverfi með aðstöðu til líkamsræktar, frábæru mötuneyti og svo margt fleira.
Stuðning við faglega og persónulega þróun.
Starf sem skiptir máli fyrir samfélagið!

Umsóknarfrestur er til og með 02. nóvember 2025.

Við hvetjum öll áhugasöm til að sækja um óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þig langar að bætast í hópinn.

Sótt er um starfið á landsnet.is. Nánari upplýsingar veitir Jason Már Bergsteinsson, mannauðssérfræðingur, á [email protected]. Öllum umsóknum verður svarað og farið með þær sem trúnaðarmál.

Landsnet er þjónustufyrirtæki í eigu þjóðarinnar og kjarninn í framtíðarsýn okkar er rafvædd framtíð í takt við samfélagið. Við höfum veigamiklu hlutverki að gegna að viðhalda og reka eina af helstu grunnstoðum nútímasamfélags sem felst í flutningskerfi raforku.

Advertisement published17. October 2025

Application deadline2. November 2025

Language skills