SÉRFRÆÐINGUR Í GREIÐSLUSTÝRINGU

Fjársýsla ríkisins (FJS) auglýsir lausa stöðu sérfræðings hjá greiðslustýringu Fjárstýringar. Um framtíðarstarf er að ræða í fjölbreyttu og krefjandi umhverfi.
Fjárstýring sér m.a. um greiðslustýringu fyrir ríkissjóð, ráðuneyti og þær ríkisstofnanir sem þess óska. Þá annast sviðið móttöku á innheimtu og framlagsfé frá stofnunum ríkisins ásamt innheimtu á skuldabréfum fyrir ríkissjóð.

Mikil áhersla er á þróun rafrænnar þjónustu hjá FJS og fékk stofnunin sérstaka viðurkenningu sem kallast Stafræn skref á ráðstefnunni Tengjum ríkið.

Helstu verkefni og ábyrgð

Greiðslur fyrir ríkissjóð, ráðuneyti og ríkisstofnanir
Uppgjör og afstemmingar
Samskipti við stofnanir ríkisins, lánastofnanir og lánadrottna
Þátttaka í innleiðingu á greiðsluþjónustu fyrir stofnanir í A-hluta
Þátttaka í þróun verkferla tengdum sjóðsstýringu
Önnur verkefni er tengjast greiðslustýringu fyrir ríkissjóð

Menntunar- og hæfniskröfur

Háskólamenntun sem nýtist í starfi
Reynsla af sambærilegum verkefnum
Góð kunnátta á Excel
Mjög góð samstarfs- og samskiptahæfni
Samviskusemi og agi í vinnubrögðum
Þekking á fjárhagskerfi Orra er kostur
Frumkvæði, metnaður til að ná árangri og tileinka sér nýjungar
Hreint sakarvottorð

Umsókn þarf að fylgja ítarleg starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda til að gegna starfinu.

Tekið er mið af jafnréttisstefnu Fjársýslu ríkisins við ráðningu í starfið og verður öllum umsóknum svarað að ráðningu lokinni. Um 100% starf er að ræða og eru laun samkvæmt gildandi kjarasamningi milli fjármála- og efnahagsráðherra og viðeigandi stéttarfélags.

Nánari upplýsingar veitir Vilhjálmur Örn Sigurhjartarson - vilhjalmur.orn.sigurhjartarson@fjs.is

Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa.

Advertisement published26. November 2024

Application deadline6. December 2024

Language skills