Sérfræðingur í gæða- og reglugerðarmálum

Kvikna Medical leitar að einstaklingi í fullt starf til að taka þátt í rekstri gæðakerfis fyrirtækisins.

Kvikna Medical vinnur að sölu og þróun á búnaði fyrir heilalínurit (EEG) og eru viðskiptavinir um allan heim. Kvikna Medical er lækningatækjaframleiðandi og vinnur eftir gæðakerfi í samræmi við það (ISO 13485).

Starfið felst í almennum rekstri og viðhaldi á gæðakerfi Kvikna Medical, s.s. uppfærslu ferla, skjalayfirferð, innri úttektum, rýni stjórnenda, innleiðingu nýrra staðla og reglugerða sem og öðrum tilfallandi verkefnum innan gæðadeildarinnar. Næsti yfirmaður er gæðastjóri.

Gæða- og reglugerðarmál eru mjög umfangsmikil í heilbrigðistækni og er því um fjölbreytt og spennandi starf að ræða.

Farið er fram á háskólamenntun og gæti starfið t.d. hentað heilbrigðisverkfræðingum eða öðrum verkfræðingum, lyfjafræðingum eða öðrum með áhuga á gæðastjórnun og vöruþróun.

Laun taka mið af reynslu og menntun umsækjanda.

Í boði er vinna á framsæknum vinnustað við afar spennandi vöruþróun sem er á heimsvísu.