Sérfræðingur á sviði fagmála og hagsmunagæslu

Félag sjúkraþjálfara leitar að metnaðarfullum einstaklingi til að gegna fjölbreyttu og krefjandi starfi sérfræðings á sviði fagmála og hagsmunagæslu. Starfið felur m.a. í sér að vinna að faglegri þróun sjúkraþjálfunar, gæta hagsmuna félagsins og félagsmanna, eiga samráð við fagaðila innan heilbrigðiskerfisins, auk þátttöku í alþjóðlegu samstarfi.

Helstu verkefni og ábyrgð

Mótun og framfylgd faglegrar stefnu í samvinnu við formann og stjórn félagsins.
Miðlun upplýsinga og stuðningur við faglega umræðu á samfélagsmiðlum, heimasíðu og í formi greina og kynninga.
Skipulagning og umsjón viðburða á borð við ráðstefnur, fræðsluviðburði og fundi.
Samvinna við fagnefndir og starfshópa innan félagsins.
Þátttaka í hagsmunagæslu fyrir félagsfólk og fagið í heild.
Söfnun, greining og úrvinnsla gagna í tengslum við fagleg málefni.
Virk þátttaka í alþjóðlegu samstarfi Félags sjúkraþjálfara.

Menntunar- og hæfniskröfur

Góð þekking á íslensku heilbrigðiskerfi og helstu áskorunum þess.
Háskólamenntun skilyrði, menntun á sviði sjúkraþjálfunar er kostur.
Reynsla af faglegri þróunarvinnu og/eða verkefnastjórnun er kostur.
Frumkvæði og sjálfstæði í vinnubrögðum
Skipulagshæfni og geta til að vinna að fjölbreyttum verkefnum.
Góð færni í ritun og framsetningu efnis á íslensku og ensku. Þekking á norðurlandamálum er kostur.