Do you want to translate non-english job information to English?

Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

About

Félagsráðgjafi eða sérfræðingur í barna- og fjölskylduvernd

Lausar eru til umsóknar tvær 100% stöður ráðgjafa við barna- og fjölskylduvernd félagsþjónustu Múlaþings. Ráðið er í stöðunar frá 15. ágúst nk. eða eftir samkomulagi.

Starfskraftur sinnir meðal annars barnaverndarmálum, félagslegri ráðgjöf, samþættingu þjónustu í þágu farsældar barna, samvinnu eftir skilnað sem og öðrum þeim störfum sem almennt tilheyra sviðinu.

Næsti yfirmaður er félagsmálastjóri.

Umsóknarfrestur var áður auglýstur til 30. maí 2025 en hefur verið framlengdur til 8.júní 2025

Helstu verkefni og ábyrgð

Vinnsla barna- og fjölskylduverndarmála.
Ráðgjöf við foreldra og börn.
Ráðgjöf við aðra sem að málum barna koma.
Málstjóri barnaverndarmála.
Málstjóri í samþættingu þjónustu í þágu farsældar barna og þátttaka í teymi innan Austurlandslíkansins.
Samstarf við aðrar stofnanir sem tengjast börnum.

Menntunar- og hæfniskröfur

Starfsréttindi í félagsráðgjöf eða menntun á uppeldis- eða heilbrigðissviði
Þekking og reynsla af félagsþjónustu og barnavernd er kostur
Geta og vilji til samvinnu og hæfni til að starfa í teymi og hugsa í lausnum
Reynsla af starfi í opinberri stjórnsýslu er kostur
Góð alhliða tölvukunnátta, þekking á OneSystems er kostur
Frumkvæði og sjálfstæði í vinnubrögðum
Góðir samskiptahæfileikar og hæfni til að tjá sig í ræðu og riti á íslensku og ensku
Hreint sakavottorð
Bílpróf

Fríðindi í starfi

Styttri vinnuvika, heilsueflingarstyrkur

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsóknarfrestur er til og með 8. júní 2025. Umsókn ásamt starfsferilsskrá og kynningarbréf skulu berast í gegnum ráðningavef sveitarfélagsins hjá Alfreð.

Nánari upplýsingar um störfin veitir Anna Alexandersdóttir, staðgengill félagsmálastjóra, á netfanginu anna.alexandersdottir@mulathing.is eða í síma 4700700.

Tekið er mið af jafnréttisáætlun Múlaþings við ráðningar í störf hjá sveitarfélaginu. Vinnustaðir Múlaþings eru reyklausir og fjölskylduvænir.

Þeir sem ráðnir eru til starfa hjá félagsþjónustu þurfa að veita heimild til að leitað sé upplýsinga úr sakaskrá hjá Ríkissaksóknara.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published16. May 2025

Application deadline8. June 2025

Language skills