Sérfræðingur á fjármálasviði

Fjármálasérfræðingur er hluti af fjármálasviði BakoVerslunartækni og vinnur náið með fjármálastjóra að fjármálastýringu, uppgjörum, áætlanagerð, greiningum, afstemmingum og þróun stjórnendaupplýsinga.

Starfið er fjölbreytt og felur í sér bæði reglubundin verkefni fjármálasviðs og þátttöku í þróun ferla og upplýsingagjafar. Lögð er áhersla á greiningarhæfni, nákvæmni og getu til að sjá samhengi í rekstri og fjármálum félagsins.

Helstu verkefni og ábyrgð

Þátttaka í mánaðar- og ársuppgjörum.
Afstemmingar og eftirlit með fjárhagsbókhaldi.
Greining rekstrar og fjárhagslegra upplýsinga.
Mánaðarleg greining á rekstri, m.a. tekjum, framlegð og kostnaði.
Þátttaka í uppgjöri og afstemmingu VSK og annarra opinberra gjalda.
Eftirlit með viðskipta- og lánadrottnastöðum og öðrum lykilreikningum.
Þátttaka í samskiptum við endurskoðendur og undirbúningi gagna vegna ársuppgjörs.
Þátttaka í þróun og nýtingu Business Central, Power BI og annarra fjármálakerfa.
Aðrar fjárhagslegar greiningar og verkefni í samstarfi við fjármálastjóra og stjórnendur félagsins.

Menntunar- og hæfniskröfur

Háskólamenntun á sviði viðskiptafræði, fjármála, reikningshalds eða sambærileg menntun.
Reynsla af uppgjörum, fjármálagreiningum og/eða áætlanagerð er kostur.
Mjög góð Excel-kunnátta.
Reynsla af Business Central eða sambærilegu ERP-kerfi er kostur.
Þekking á Power BI og/eða annarri gagnagreiningu er mikill kostur.
Góð greiningarhæfni og áhugi á að vinna með gögn og stjórnendaupplýsingar.
Nákvæm og skipulögð vinnubrögð.
Frumkvæði og geta til að vinna sjálfstætt.