Samfélagsmiðla- og markaðsfulltrúi

Lyf og heilsa leitar að öflugum og skapandi liðsfélaga

Samfélagsmiðla- og markaðsfulltrúi er hluti af markaðsteymi félagsins og vinnur að fjölbreyttum verkefnum undir stjórn markaðs- og sölustjóra Lyf og heilsu. Starfið krefst þekkingar á samfélagsmiðlum og stafrænni miðlun ásamt framúrskarandi samskiptahæfni sem nýtist í starfi.

Um er að ræða tímabundið starf til 12 mánaða.

Almennt ábyrgðarsvið og helstu verkefni:

• Umsjón með samfélagsmiðlum félagsins.

• Hugmynda- og textavinna ásamt efnisgerð fyrir samfélagsmiðla.

• Þátttaka í innri og ytri markaðsaðgerðum.

• Umsjón og þróun á vildar- og markpóstakerfi.

• Aðkoma að markaðsherferðum og viðburðum.

• Þjónusta og stuðningur við verslanir.

• Ásýnd verslana.

• Önnur verkefni.

Kröfur um menntun og reynslu

• Menntun og reynsla sem nýtist í starfi.

• Reynsla af markaðsmálum æskileg.

• Góð íslenskukunnátta í ræðu og riti.

• Mikil skipulagshæfni, jákvæðni og góðir samskiptahæfileikar.

• Sköpunargleði, frumkvæði og metnaður.

Lyf og heilsa er framsækið þjónustufyrirtæki með starfsemi víðsvegar um landið. Fyrirtækið leggur metnað sinn í að veita viðskiptavinum sínum framúrskarandi þjónustu á sviði heilsu, heilbrigði og lífsgæða.