Sveitarfélagið Skagafjörður

Sveitarfélagið Skagafjörður er stærsta sveitarfélagið á Norðurlandi vestra. Í sveitarfélaginu er fjölbreytt atvinnulíf, afþreying og þjónusta.

About

Sálfræðingur

Skagafjörður auglýsir eftir sálfræðingi til starfa hjá fjölskyldusviði sveitarfélagsins. Starfið er á sviði skóla, félags- og barnaverndarþjónustu. Um er að ræða 100% stöðu, upphaf starfs er samkomulagsatriði. Sálfræðingur vinnur í þverfaglegu samstarfi við starfsfólk skóla, sérfræðinga fjölskyldusviðs sem og aðra sérfræðinga. Sálfræðingur heyrir undir Leiðtoga farsældar, fræðslu og ráðgjafar og er með starfsstöð í ráðhúsi á Sauðárkróki.

Helstu verkefni og ábyrgð

Ráðgjöf til foreldra barna og starfsfólks leik- og grunnskóla.
Sálfræðilegar athuganir, viðtöl og greiningar á börnum, ráðgjöf og eftirfylgd mála.
Þverfaglegt samstarf við sérfræðinga innan og utan fjölskyldusviðs.
Fræðsla fyrir foreldra, nemendur og starfsfólk skóla.

Menntunar- og hæfniskröfur

Sálfræðimenntun og réttindi til að starfa sem sálfræðingur á Íslandi.
Þekking og reynsla af vinnu með börnum.
Framúrskarandi samskiptahæfni og mikil reynsla af teymisvinnu.
Frumkvæði, sjálfstæði, fagmennska, skipulagshæfni og nákvæmni.
Góð íslensku- og enskukunnátta í ræðu og riti.
Almenn ökuréttindi.
Hreint sakavottorð.

Nánari upplýsingar um starfið veitir Rakel Kemp, Leiðtogi farsældar, fræðslu og ráðgjafar, rakelkemp@skagafjordur.is, s. 455 6000.

Einungis er tekið við rafrænum umsóknum á heimasíðu sveitarfélagsins (laus störf). Með umsókn skal fylgja kynningarbréf þar sem í stuttu og kjarnyrtu máli er gert grein fyrir kostum umsækjanda sem nýtast í starfi, ferilskrá og afrit af prófskírteini/prófskírteinum.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Advertisement published14. November 2024

Application deadline2. December 2024

Language skills