Mynstra

Mynstra er ungt ráðgjafarfyrirtæki sem sérhæfir sig í hagnýtingu gervigreindar hjá íslenskum fyrirtækjum. Okkar markmið er að hjálpa íslenskum fyrirtækjum að nýta sér nýjustu tækni á árangursríkan hátt, með áherslu á raunveruleg vandamál og skjótan ávinning. Mynstra veitir námskeið og fræðslu um gervigreind og byggir gervigreindarlausnir fyrir viðskiptavini.

About

Mynstra leitar að ævintýramanneskju 🚀

Mynstra er ungt og metnaðarfullt fyrirtæki sem vinnur að því að gera gervigreind aðgengilega og hagnýta í íslensku atvinnulífi. Við erum að leita að ævintýramanneskju sem vill taka þátt í að byggja upp sprota, prófa nýjar hugmyndir og móta starfið með okkur.

Hlutverkið er opið – það getur hallað meira að hugbúnaðarþróun, gagnavinnslu, ráðgjöf eða fræðslu – eftir styrkleikum og áhugasviði þess sem gengur til liðs við okkur.

Helstu verkefni og ábyrgð

Þróa hugbúnaðarlausnir með gervigreind sem lykilþátt
Hanna og prófa frumgerðir með viðskiptavinum
Styðja við fræðslu og námskeið í hagnýtingu gervigreindar
Vinna með gögn, flæði og sjálfvirkni til að bæta ferla
Taka þátt í mótun og þróun eigin vara Mynstru
Hafa áhrif á framtíð og stefnu fyrirtækisins

Menntunar- og hæfniskröfur

Háskólamenntun í STEM námi (t.d. verkfræði, tölvunarfræði, stærðfræði eða skyldum greinum)
Reynsla eða áhugi á gervigreind og sjálfvirkni
Skapandi hugsun og vilji til að prófa nýja hluti
Forvitni og sjálfstæði í vinnubrögðum
Hæfni til að vinna náið með öðrum og taka frumkvæði

(kostur en ekki skilyrði)

Þekking á hugbúnaðarþróun eða gagnavinnslu
Reynsla úr ráðgjöf eða verkefnastjórnun
Kunnátta í byggingariðnaði eða öðrum sérhæfðum geirum

Fríðindi í starfi

Tækifæri til að vera lykilhluti í uppbyggingu sprotafyrirtækis frá grunni
Mikill sveigjanleiki í vinnu og verkefnum
Hraður lærdómur og aðgangur að nýjustu tækni
Að hafa raunveruleg áhrif á vörur og framtíð fyrirtækisins
Persónulegt frelsi til að móta starf og hlutverk

Það er engin föst starfslýsing, engin skrifstofa (ennþá) og ekki einu sinni kaffivél – en þetta er tækifæri til að skapa eitthvað nýtt, læra hratt og taka þátt í ævintýri.

Við vinnum sveigjanlega og finnum skrifstofuhúsnæði í samráði við nýjan liðsfélaga þegar þörf krefur, en það verður á höfuðborgarsvæðinu.

Advertisement published28. September 2025

Application deadline12. October 2025

Language skills