Lögmaður hjá borgarlögmanni - tímabundið til eins árs

Við leitum að metnaðarfullum og lausnamiðuðum lögmanni sem hefur góða almenna þekkingu á flestum réttarsviðum lögfræðinnar.

Í boði er spennandi starfsumhverfi þar sem reynir á góða alhliða þekkingu á flestum réttarsviðum lögfræðinnar. Hjá embætti borgarlögmanns er lögð rík áhersla á símenntun, miðlun þekkingar og samvinnu milli starfsfólks. Embættið er með aðsetur í Ráðhúsi Reykjavíkur en þar starfa níu lögmenn auk verkefnastjóra.

Æskilegt er að viðkomandi geti hafið störf sem fyrst og er staðan tímabundin til eins árs.