Lögfræðingur hjá KPMG Law - Akureyri

Við leitum að metnaðarfullum og jákvæðum lögfræðingi til þess að sinna fjölbreyttri ráðgjöf og þjónustu til viðskiptavina í frammistöðudrifnu umhverfi. Viðkomandi mun hafa starfsstöð á skrifstofu KPMG á Akureyri.

Við leggjum ríka áherslu á að samvinnu milli sviða með breiða nálgun gagnvart viðskiptavinum okkar og mun viðkomandi því vinna náið með öðrum ráðgjöfum á sviðum fjármála og rekstrar, bæði á íslenskum og erlendum vettvangi.

Helstu verkefni og ábyrgð:

• Almenn lögfræðiráðgjöf fyrir viðskiptavini KPMG.
• Þátttaka í framkvæmd áreiðanleikakannana.
• Aðstoð í tengslum við skatta- og félagarétt.
• Samninga- og skjalagerð um framkvæmd og frágang viðskipta.
• Ráðgjöf og þjónusta tengd kaupum og sölum fyrirtækja og fjármögnun þeirra.
• Aðstoð við frumkvöðla og félög í nýsköpun.

Hæfniskröfur:

• Meistaragráða í lögfræði.
• Kostur ef umsækjandi hefur reynslu af viðskipta-, fjármála- og/eða fyrirtækjalögfræði.
• Brennandi áhugi á fjármálum fyrirtækja, rekstri og viðskiptum.
• Þekking og áhugi á stafrænni þróun og tækni er mikill kostur.
• Framúrskarandi hæfni til að setja fram mál í ræðu og riti, bæði á íslensku og ensku.
• Geta og metnaður til að vinna í krefjandi vinnuumhverfi og undir álagi.
• Lipurð í mannlegum samskiptum og þjónustulund.

Í samræmi við markmið okkar í jafnréttismálum hvetjum við allt fólk til að sækja um óháð kyni.

KPMG Law ehf.

KPMG Law er sérhæfð lögmannsstofa í alþjóðlegu samstarfi KPMG sem hefur vaxið mjög á undanförnum árum og er ein af leiðandi stofunum hér á landi á sviði fyrirtækjalögfræði. Við leggjum ríka áherslu á að veita viðskiptavinum okkar framúrskarandi þjónustu og bjóðum upp á frábær tækifæri fyrir metnaðarfullt fólk til starfsþróunar í sveigjanlegu og fjölbreyttu vinnuumhverfi. Hjá okkur starfar á fjórða tug lögmanna, lögfræðinga og annarra sérfræðinga. Við störfum náið með öðrum sérfræðingum KPMG innanlands og erlendis sem gerir okkur kleift að veita þjónustu á breiðum grunni, hvort sem er á sviði lögfræði, fjármála eða rekstrar. Sérfræðingar okkar þekkja lögin og skilja áhrif þeirra á rekstur.

Nokkur dæmi um kosti þess að vinna hjá KPMG Law:

• Fjölbreytt verkefni í alþjóðlegu umhverfi og tækifæri til að hafa jákvæð áhrif á viðskiptalífið og samfélagið í heild.
• Frábær tækifæri til að læra af leiðandi sérfræðingum og þróast í starfi.
• Heilsueflandi vinnustaður og aðgangur að líkamsræktarstyrk og samgöngustyrk.
• 4 tímar á ári hjá sálfræðingi eða öðrum ráðgjöfum sem styðja við andlega heilsu í gegnum Kara velferðartorg.
• Sveigjanleiki til að vinna frá mismunandi skrifstofum og að heiman þegar við á.
• Tækifæri til að vinna á skrifstofum KPMG út um allan heim.
• Einn launaður dagur á ári til sjálfboðavinnu.
• Og margt fleira.

Umsóknarfrestur er til og með 27. janúar 2025.

Umsóknir ásamt ferilskrá og kynningarbréfi óskast fylltar út á heimasíðu KPMG (sækja um hér til hliðar). Nánari upplýsingar veitir Hildur Steinþórsdóttir, sérfræðingur í mannauðsmálum, á hsteinthorsdottir@kpmg.is.