Fagrabrekka

Leikskólinn Fagrabrekka er fjögra deilda leikskóli þar sem dvelja um 70 börn. Leikskólinn starfar eftir hugmyndafræði Reggio Emilia en mikil áhersla er lögð á að börnin læri af reynslu. Leikskólinn hefur sett þau markmið bæði börn og starfsfólk beri virðingu fyrir sjálfum sér og öðrum og að sýna gleði og frumkvæði í leik og starfi. Í Fögrubrekku reynum við að láta börnin fylgja sínum hóp, bæði börnum og kennurum, í gegnum skólagönguna. Það stuðlar að því að börnin mynda sterk tengsl bæði við leikfélaga sína og kennara. Einnig hjálpar þetta við að byggja upp gott samband á milli leikskóla og foreldra, þar sem við kynnumst vel á þeim árum sem börnin eru í leikskólanum.

About

Leikskólastjóri óskast í leikskólann Fögrubrekku

Megin áhersla er lögð á skapandi starf í öllum listgreinum og lýðræðisleg vinnubrögð starfsfólks og barna auk getu barna til að afla sér reynslu og þekkingar á sínum eigin forsendum. Tónlist og hreyfing er rauði þráðurinn í starfinu sem stuðlar að vellíðan og hefur í för með sér gleði og ánægju. Einkunnarorð leikskólans virðing, gleði og frumkvæði eru ávallt í forgrunni.

Við leitum að metnaðarfullum og skapandi einstakling í stöðu leikskólastjóra. Leikskólastjóri ber faglega og rekstrarlega ábyrgð á starfi leikskólans, stendur vörð um réttindi barna og stuðlar að því að barnið njóti bestu þjónustu sem mögulegt er á hverjum tíma.

Upplýsingar um leikskólann má finna á http://fagrabrekka.kopavogur.is

Helstu verkefni og ábyrgð

Stjórnun og ábyrgð á daglegri starfsemi leikskólans og að unnið sé eftir aðalnámskrá leikskóla og skólanámskrá leikskólans
Faglegur leiðtogi leikskólans sem deildir verkefnum og ábyrgð til starfsfólks í samræmi við skólanámskrá
Ábyrgð á að rekstur leikskólans sé innan ramma fjárhagsáætlunar
Ábyrgð á starfsmannamálum, svo sem ráðningu, vinnutilhögun og starfþróun
Ábyrgð á foreldrasamstarfi
Kynna sér nýjungar í starfi, miðla þekkingu til starfsfólks og hvetja til þróunar og nýbreytni í skólastarfi

Menntunar- og hæfniskröfur

Leikskólakennaramenntun og leyfisbréf kennara
Framhaldsmenntun (MA, Med, MT eða diplóma að lágmarki) á sviði stjórnunar eða uppeldis- og menntunarfræða
Reynsla af starfi og stjórnun í leikskóla
Reynsla af rekstri leikskóla og eftirfylgni fjárhagsáætlana
Forystuhæfileikar og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð íslenskukunnátta og færni til að tjá sig í ræðu og riti

Fríðindi í starfi

Starfsfólk Kópavogsbæjar fær frían aðgang að sundlaugum bæjarins

Styttri vinnuvika, stytting að hluta til notuð í jóla-, páska- og vetrarfrí

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfi.

Launakjör eru samkvæmt kjarasamningi Sambands íslenskra sveitarfélaga og FSL.

Umsóknarfrestur er til og með 4. ágúst 2025.

Tekið er mið af jafnréttisstefnu Kópavogsbæjar og jafnréttislögum við ráðningu í starfið.

Allir einstaklingar sem ráðnir eru til starfa í leikskólum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Öllum umsóknum verður svarað þegar ákvörðun um ráðningu hefur verið tekin.

Nánari upplýsingar veitir Sigrún Hulda Jónsdóttir, deildarstjóri leikskóladeildar Kópavogsbæjar í síma 8402686 eða [email protected].

Tekið er við umsóknum í gegnum ráðningavef Alfreðs.

Advertisement published8. July 2025

Application deadline4. August 2025

Language skills