Leikskólakennari óskast

Framtíðarfólk ehf. rekur leikskólann Áshamar, nýjan og framsækinn leikskóla sem hóf starfsemi 1. apríl 2025. Tveir þriðju hlutar starfsmanna eru fagmenntaðir. Áherslur okkar eru skýrar: hæglæti í leik og námi, útikennsla og vellíðan barna og starfsfólks. Við trúum því að börn þurfi tíma, tækifæri og rými til að læra í gegnum leik og að dýrmætustu augnablikin í leikskólastarfi verði til þegar við hægjum á okkur og njótum samverunnar í náttúrunni eða í skapandi verkefnum innan dyra.
Nánari upplýsingar um Framtíðarfólk má finna á framtidarfolk.is.
Við leitum að leikskólakennara sem deilir okkar sýn og brennur fyrir því að skapa nærandi og örvandi umhverfi fyrir börn.