Leiðtogi fasteignaþjónustu
Heilsugæsla höfuðborgarsvæðisins óskar eftir að ráða öflugan einstakling með skýra framtíðarsýn og getu til að vinna í krefjandi umhverfi þar sem frumkvæði og drifkraftur fá að njóta sín í starfi leiðtoga fasteignaþjónustu.
Leitað er að framsæknum einstaklingi sem býr yfir framúrskarandi samskiptahæfni, brennandi áhuga á húsnæðismálum auk skilnings og þekkingar á rekstri. Leiðtogi heyrir undir framkvæmdastjóra fjármála- og rekstrarsviðs og vinnur náið með stjórnendateymi Heilsugæslu höfuðborgarsvæðisins.
Starfið felur í sér virka þátttöku í breytingum sem eru framundan í húsnæðismálum heilsugæslunnar, samskiptum við stjórnendur á starfstöðvum, fasteignafélög, ráðuneyti, sveitarfélög, leigusala, hönnuði, birgja, verktaka og ýmsa aðra samstarfsaðila.
- Forysta og mótun framtíðarsýnar og skipulagningar í húsnæðismálum.
- Ábyrgð á daglegum rekstri og stjórnun.
- Tryggja að húsnæði, öryggiskerfi, aðgengismál og búnaður séu ávallt í fullnægjandi ástandi og í samræmi við þarfir.
- Stýring á framkvæmdum og þátttaka í gerð kostnaðar-, viðhalds- og framkvæmdaáætlana ásamt eftirfylgni á viðhaldi.
- Ábyrgð og umsjón með húsaleigusamningum, bílaleigusamningum ásamt ræstingum.
- Stýring og eftirlit með verktökum.
- Ábyrgð á að þarfagreiningar og húsrýmisáætlanir séu í samræmi við stefnu og áherslur.
- Háskólapróf sem nýtist í starfi, meistaragráða er kostur.
- Leiðtogahæfni og árangursrík stjórnunarreynsla, helst á sviði verkefnastjórnunar.
- Þekking og reynsla af samningagerð og öryggismálum.
- Framúrskarandi þjónustulund, samskipta- og skipulagshæfni og jákvætt hugafar.
- Reynsla af greiningarvinnu og miðlun upplýsinga.
- Mjög gott vald á íslensku í ræðu og riti.
Icelandic
