Fellaskóli Fellabæ

Fellaskóli í Fellabæ er grunnskóli þar sem lögð er áhersla á að efla bókvit, verkvit og siðvit jöfnum höndum. Í skólanum eru um 100 nemendur og þeim er skipt niður á þrjú stig; yngsta stig ( 1. – 4. bekk), miðstig ( 5. – 7. bekk) og unglingastig (8. – 10.) bekk. Á hverju stigi starfa kennarar og annað fagfólk saman í teymum. Við skipulag kennslu er horft til þess að nemendur eru á hverjum tíma mislangt komin á mismunandi sviðum þroska. Nemendur hafa einnig mismunandi styrkleika, áhugasvið og getu. Námi og öðru starfi skólans er ætlað að stuðla að alhliða þroska nemandans út frá forsendum og hæfileikum hvers og eins. Skólastarfið miðast við að stuðla jafnt að tilfinningalegum og félagslegum þroska sem og vitsmunalegum.

About

Laust starf: Skólaliði og starf í frístund

Fellaskóli í Múlaþingi auglýsir eftir skólaliða og starfskrafti í frístund næsta skólaár. Starfshlutfall skólaliða er um 60% en möguleiki á hærra starfshlutfalli með starfi í frístund skólans á móti. Frístund er lengd viðvera fyrir nemendur í 1. - 4. bekk og er opin frá kl. 14-16 alla virka daga og lengur þegar ekki er hefðbundið skólastarf. Einnig er hægt að sækja bara um starf í frístund.

Um er að ræða tímabunda ráðningu út skólaárið. Næsti yfirmaður er skólastjóri Fellaskóla

Helstu verkefni og ábyrgð

Skólaliði:

Fylgjast með og aðstoða nemendur í leik og starfi
Almenn þrif á skólahúsnæði
Almenn gæsla í frímínútum og hádegi
Stuðla að jákvæðu og hvetjandi skólaumhverfi fyrir alla nemendur
Stuðla að velferð nemenda í samstarfi við starfsfólk skólans

Starf í frístund:

Fylgja eftir skipulagi frístundastarfs.
Leiðbeina börnum í leik og starfi.
Tryggja að börn komist í skipulagðar tómstundir á meðan dvalartíma stendur s.s. í tónlistarnám og/eða íþróttir.
Gæta fyllsta öryggis barna og forðast þær aðstæður sem geta reynst hættulegar.
Samskipti við foreldra/forsjáraðila og starfsfólk grunnskóla er varða starfsemi frístundar.
Önnur verkefni í samráði við skólastjóra.

Menntunar- og hæfniskröfur

Menntun eða reynsla sem nýtist í starfi.
Áhugi á að vinna með börnum.
Góð hæfni í mannlegum samskiptum, hæfileiki til samvinnu, sveigjanleika og tillitssemi.
Frumkvæði í starfi, skipulagshæfileikar og sjálfstæð vinnubrögð.
Lausnamiðun og geta brugðist hratt og vel við óvæntum atburðum sem upp koma.
Mjög góð íslenskukunnátta.
Hreint sakavottorð.

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Margrét Dögg Guðgeirsd. Hjarðar í síma 4700 636 eða á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published5. August 2026

Application deadline17. August 2026

Language skills