Kerfisstjóri

Þjóðskjalasafn Íslands auglýsir laust til umsóknar starf kerfisstjóra. Leitað er að drífandi einstaklingi í spennandi og fjölbreytt starf. Um fullt starf er að ræða og er kerfisstjóri hluti af öflugu teymi á skrifstofu rekstrar.

Helstu verkefni og ábyrgð:

• Rekstur og viðhald upplýsingatæknikerfa
• Rekstur hugbúnaðarkerfa í samvinnu við hýsingaraðila
• Uppsetning og viðhald á tækjabúnaði
• Þjónusta, tæknilegur stuðningur og fræðsla fyrir starfsfólk
• Verkefnastýring verkefna á sviði upplýsingatækni
• Samskipti við birgja og aðra samstarfsaðila
• Úrbætur á sviði upplýsingaöryggis

Menntunar- og hæfniskröfur:

• Haldbær reynsla af sambærilegu starfi, a.m.k. síðustu þrjú ár, skilyrði
• Menntun sem nýtist í starfi, s.s. tölvunarfræði, tæknifræði, kerfisstjórnun eða önnur sambærileg menntun
• Þekking á stýrikerfum netþjóna og útstöðva skilyrði
• Þekking á gagnagrunnum kostur
• Grunnþekking á rekstri netkerfa og þráðlauss aðgangsbúnaðar
• Reynsla af öryggisvöktun (SIEM) og samstarfi við öryggisvöktunarsetur (SOC) æskileg
• Skipulagshæfni, frumkvæði, sjálfstæð vinnubrögð og umbótasinnuð hugsun
• Mjög góð færni í mannlegum samskiptum og þjónustulund
• Krafa um mjög góða íslensku- og enskukunnátta í ræðu og riti

Um Þjóðskjalasafn Íslands
Þjóðskjalasafn Íslands er menningar- og stjórnsýslustofnun sem varðveitir heimildir um sögu þjóðarinnar og leiðir skjalavörslu og skjalastjórn hins opinbera. Um 50 manns starfa hjá Þjóðskjalasafni. Um þessar mundir standa yfir miklar breytingar í starfseminni og því um spennandi tækifæri að ræða fyrir kraftmikinn aðila. Nánari upplýsingar um starfsemina má finna á vefnum skjalasafn.is.

Umsóknarfrestur er til og með 15. janúar 2026. Umsókn óskast fyllt út á www.intellecta.is og þarf henni að fylgja starfsferilskrá og ítarlegt kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi fjármála- og efnahagsráðherra við viðkomandi stéttarfélag. Athygli er vakin á því að umsóknir gilda í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Þjóðskjalasafns Íslands við ráðningu í starfið.

Nánari upplýsingar veita Þuríður Pétursdóttir ([email protected])