Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

About

Atlassian sérfræðingur

Við erum að leita að einstaklingi sem veit meira en flestir um hvernig hugbúnaður frá Atlassian virkar. Æskilegt er að viðkomandi hafi sérþekkingu á Jira og Confluence vörum Atlassian svítunnar.

Verkefnin eru fjölbreytt og skemmtileg og mun viðkomandi bætast í frábæran hóp Atlassian sérfræðinga innan Sensa. Meðal verkefna er hönnun og uppsetning á nýjum kerfum, sem og almennur rekstur á þeim.

Hefur þú unnið við rekstur og/eða þjónustað Jira / Confluence og langar að breyta til? Komdu með okkur inn í nýtt ár og nýja framtíð, sendu okkur endilega línu og við upplýsum þig nánar um hvað starfið snýst.

Menntunar- og hæfniskröfur

Reynsla og þekking á Atlassian hugbúnaði skilyrði (Jira / Confluence)
Góð ensku kunnátta er skilyrði
Prófgráða frá Atlassian er kostur
BI þekking er kostur
Jákvæðni og lipurð í samskiptum
Sjálfstæð og vönduð vinnubrögð

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími og möguleikar á fjarvinnu

Sensa er leiðandi upplýsingatæknifyrirtæki þar sem sterk liðsheild, hátt þekkingarstig og framúrskarandi þjónusta er höfð að leiðarljósi. Starfsfólk er um 120 talsins. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.  

Umsóknarfrestur er til og með 11. janúar en unnið er úr umsóknum jafn óðum og þær berast.

Hjá Sensa leggjum við mikla áherslu á fjölbreytt vinnuumhverfi þar sem öll fá tækifæri til að njóta sín, óháð kyni, uppruna og bakgrunni.

Ef af ráðningu verður þarf umsækjandi að skila inn sakavottorði.

Jafnvel þótt þú uppfyllir ekki allar kröfur, hvetjum við öll sem hafa þekkingu og reynslu fyrir þetta starf til að sækja um.

Einungis er tekið á móti umsóknum í gegnum umsóknarkerfi Alfreðs.

Nánari upplýsingar um starfið veitir Jörundur Kristinsson, í gegnum netfangið: [email protected]

Advertisement published22. December 2025

Application deadline11. January 2026

Language skills