Kennarar í Auðarskóla skólaárið 2025-2026

Auðarskóli auglýsir eftir kennurum í eftirfarandi lausar stöður fyrir skólaárið 2025-2026:

• Umsjónarkennari á miðstigi
• Umsjónarkennari á elsta stigi
• Leikskólakennarar
• Tónlistarkennari
• Faggreinakennarar: Myndmennt og Hönnun og smíði

Auðarskóli leitar að metnaðarfullum kennurum sem vilja ná góðum árangri í skólastarfi. Ráðið er í stöðurnar frá 1. ágúst 2025.

Auðarskóli er samrekinn leik-, grunn- og tónlistarskóli og er staðsettur í Búðardal sem er eini þéttbýliskjarni sveitarfélagsins. Í grunnskólanum eru um 70 nemendur í 1.-10. bekk grunnskólans og um 26 börn í leikskólanum. Tæplega helmingur nemenda grunnskólans stundar tónlistarnám. Einkunnarorð skólans eru Ábyrgð-Ánægja-Árangur.

Dalabyggð leggur áherslu á samhent og fjölskylduvænt samfélag þar sem allir íbúar geta unað vel. Í Dölunum gefast mörg tækifæri til útivistar og hreyfingar og í Búðardal er vel búin líkamsræktarstöð. Íþróttahús og sundlaug eru í byggingu sem staðsett verða við grunnskólann og tekin í gagnið í feb/mars 2026.

Lögð er rík áhersla á að í Dalabyggð sé eftirsóknarvert og fjölskylduvænt samfélag og að gott og öflugt menntastarf sé veigamikill þáttur þess. Forgangsmál er að byggja upp gott og heilbrigt starfs- og námsumhverfi þar sem komið er til móts við fjölbreyttar þarfir nemenda í skólasamfélagi sem byggist á lýðræðislegri þátttöku allra.

Menntastefna Dalabyggðar er höfð að leiðarljósi í starfi skólans og er útgangspunkturinn að stuðla að framsækni og vellíðan barna og ungmenna og um leið alls skólasamfélagsins.

Menntunar- og hæfniskröfur leik, grunn og tónlistarkennara:

• Leyfisbréf kennara (Leyfisbréf fylgi umsókn)
• Reynsla af kennslu í grunnskóla kostur
• Metnaður og einlægur áhugi á að vinna með börnum og unglingum á faglegan, fjölbreyttan og skapandi hátt
• Frumkvæði, sjálfstæði og skipulögð vinnubrögð
• Framúrskarandi samskipta- og samstarfshæfni
• Metnaður til að þróa gæða skólastarf
• Góð íslenskukunnátta er skilyrði
• Stundvísi, áreiðanleiki og reglusemi

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum.

Áhugasamir einstaklingar af öllum kynjum eru hvattir til að sækja um. Launakjör eru samkvæmt gildandi samningum Sambands íslenskra sveitarfélaga við viðkomandi stéttarfélag.Umsókn skal fylgja náms- og starfsferilskrá ásamt afriti af prófskírteinum og starfsleyfi ef við á. Umsókn skal einnig fylgja kynningarbréf.

Umsóknarfrestur er til og með 10. apríl 2025.

Nánari upplýsingar veitir: Herdís Erna Gunnarsdóttir, skólastjóri, netfang: [email protected], sími: 4304757