Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

About

Heilsuleikskólinn Holtakot auglýsir eftir einstaklingi til að sinna stöðu snemmtækrar íhlutunar

Heilsuleikskólinn Holtakot auglýsir eftir starfsmanni í 100% starfshlutfall til að sinna stöðu snemmtækrar íhlutunar í samráði við leikskólastjóra og sérkennslustjóra.

Leikskólinn er fjögurra deilda leikskóli þar sem lögð er áhersla á hreyfingu, listsköpun og hollt matarræði.

Skólinn er Grænfánaskóli og starfar eftir "Uppeldi til ábyrgðar".

Einkunnarorð skólans eru: Jákvæðni, virðing og öryggi. Áhersla er lögð á metnaðarfullt starf.

Stefna leikskólans í starfsmannahaldi er að í skólanum starfi uppeldismenntaðir starfsmenn af báðum kynjum. Heimasíða leikskólans http://www.holtakot.is/

Leikskólar reknir af Garðabæ hafa til úthlutunar sérverkefnasjóð þar sem metnaðarfullir starfsmenn hafa tækifæri til að auka við laun sín.

Helstu verkefni og ábyrgð

Vinna að uppeldi og menntun barna í samvinnu við sérkennslustjóra og deildarstjóra
Vinna að faglegu starfi deilda
Taka þátt í foreldrasamvinnu

Menntunar- og hæfniskröfur

Leyfisbréf til kennslu *(leyfisbréf fylgi umsókn), önnur uppeldisfræðimenntun, þroskaþjálfamenntun eða önnur menntun sem nýtist í starfi
Að lágmarki 90 námseiningar á einu námssviði aðalnámskrár og menntunarfræði leikskóla
Reynsla af starfi í leikskóla eða starfi með börnum er æskileg
Ánægja af því að starfa með börnum
Áhugi á heilsueflandi leikskólastarfi og hreyfingu
Frumkvæði, samskiptahæfni og sjálfstæði í vinnu
Sjálfstæði og skipulögð vinnubrögð
Íslenskukunnátta á stigi B2 samkvæmt evrópska tungumálarammanum

Fríðindi í starfi

Full stytting eða einn frídagur í mánuði og hluti af styttingu safnað í frídaga (sem teknir eru utan sumarorlofstímabils)
Leikskólinn er lokaður í dymbilviku og 2. janúar vegna styttingar starfsfólks
Opnunartími leikskólans er 7:30-16:30 mánud.- fimmtud. og 7:30-16:00 á föstudögum
Fimm skipulagsdagar á ári
25% stöðugildi á hverri deild vegna snemmtækrar íhlutunar
Starfsmannaafsláttur er af leikskólagjöldum og forgangur inn í leikskóla fyrir börn starfsmanna
Eftir þrjá mánuði í starfi getur starfsfólk fengið frítt árskort í sundlaugar bæjarins
Eftir þrjá mánuði í starfi getur starfsfólk fengið frítt bókasafnskort í Bókasafn Garðabæjar ásamt fríu menningarkorti í Hönnunarsafn Íslands
Eftir sex mánuði í starfi getur starfsfólk fengið heilsuræktarstyrk

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Um er að ræða 100% starfshlutfall sem dreifist jafnt á deildir leikskólans.

Umsóknarfrestur er til og með 23. mars 2026.

Nánari upplýsingar um starfið veitir Ragnhildur Skúladóttir leikskólastjóri í síma 5502381 / 8215018 eða með því að senda fyrirspurn á [email protected].

Samkvæmt lögum verða umsækjendur sem eru ráðnir að skrifa undir heimild til upplýsingaöflurnar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélags.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um með því að smella á Skrá inn og sækja um starf hér fyrir neðan.

Advertisement published9. March 2026

Application deadline23. March 2026

Language skills