Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

About

Gagnaforritari – Data Engineer

Við leitum að metnaðarfullum og drífandi sérfræðingi í gögnum til að þróa áfram gagnaumhverfi Orkuveitunnar. Gagnateymið vinnur við að skapa sem mest virði úr gögnum til hagsbóta fyrir viðskiptavini og aðra hagaðila, þvert á öll dótturfélög Orkuveitunnar.

Helstu verkefni og ábyrgð

Þróun og viðhald á vöruhúsi gagna og gagnmörkuðum, ETL gagnaflæði, stoðgögnum, gagnaskilum og gagnaprófunum
Þróun á viðskiptagreindarumhverfi og undirliggjandi gagnaferlum hjá Orkuveitunni
Þróun á ferlum vegna afhendingar gagna til sérfræðinga í viðskiptagreiningu og líkanagerðar
Útfærsla, þróun og viðhald á gagnalíkönum
Samskipti við hagaðila, greining á gagnakröfum og tækifærum í hagnýtingu á gögnum
Stýring og stuðningur í verkefnum tengdum hagnýtingu gagna

Menntunar- og hæfniskröfur

Þekking og reynsla í notkun á tólum, tækjum og aðferðum við þróun gagnainnviða s.s. SQL server, Databricks og Azure gagnainnviðum
Góð þekking á gagnagrunnum og uppbyggingu vöruhúss gagna
Þekking á Python eða öðrum forritunarmálum er kostur
Gott auga fyrir notendavænni og listrænni framsetningu er kostur
Góð samskiptafærni og hæfni til að miðla þekkingu
Menntun eða reynsla sem nýtist í starfinu

Við bjóðum þér:

Spennandi og krefjandi verkefni í nýsköpunarumhverfi með öflugu teymi
Stuðning við þróun þekkingar og hæfni í samræmi við þarfir framtíðar
Fjölbreytt og stuðningsríkt vinnuumhverfi
Samkeppnishæf laun og fríðindi
Sveigjanlegan vinnutíma
Líkamsræktaraðstöðu
Framúrskarandi aðbúnað
Öruggan og inngildandi vinnustað
Fjölbreytt og öflugt félagslíf

Umsóknarfrestur er til og með 9. nóvember 2025. Nánari upplýsingar veitir Skúli Magnús Sæmundsen, hópstjóri gagnateymis Hugvits og tækni, á netfanginu [email protected]

Hvernig vinnustaður er Orkuveitan? (kynningarmyndband)

Orkuveitan samanstendur af móðurfélaginu og fjórum dótturfélögum, Orku náttúrunnar, Veitum, Ljósleiðaranum og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu. Við erum aflvaki sjálfbærrar framtíðar.

Í framtíðarsýn og stefnu fyrirtækisins er lögð áhersla á sjálfbærni, nýsköpun, samstarf og framtíðarhugsun með hag viðskiptavina og samfélagsins að leiðarljósi.

Með því að nýta orku náttúrunnar, skapandi orku mannlífsins og frumkvöðlaorku starfseminnar skipar Orkuveitan sér í fremstu röð við að knýja áfram samfélög með sjálfbærum hætti. Við njótum öll ávinningsins.

Advertisement published24. October 2025

Application deadline9. November 2025

Language skills