Samgöngustofa

Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri.

About

Fulltrúi í skráningu og þjónustu

Samgöngustofa auglýsir lausa til umsóknar stöðu fulltrúa í deild skráningar og þjónustu á umferðarsviði stofnunarinnar. Tímabundin ráðning til 12 mánaða með möguleika á framlengingu.

Helstu verkefni og ábyrgð

Um er að ræða fjölbreytt starf m.a. við móttöku og afgreiðslu viðskiptavina, svörun fyrirspurna, framkvæmd skráninga í ökutækjaskrá, upplýsingagjöf í gegnum síma og ráðgjöf í tengslum við verkefni stofnunarinnar. Starfið felur einnig í sér þátttöku í umbótavinnu þar sem unnið er að einföldun á stjórnsýslu og við stafvæðingu ferla í deildinni. Við leitum að einstaklingi sem hefur áhuga á umferðaröryggismálum, stöðugum umbótum og er góður liðsmaður.

Menntunar- og hæfniskröfur

Rík þjónustulund og færni í mannlegum samskiptum eru skilyrði.
Reynsla af sambærilegu starfi er kostur.
Góð almenn tölvukunnátta er skilyrði.
Gott vald á íslensku og ensku, í rituðu og töluðu máli.
Viðkomandi þarf að vera áreiðanlegur, jákvæður og vandvirkur.
Áhugi og vilji til að leita nýrra leiða og til að vinna að umbótum er kostur.

Í boði er fjölbreytt og spennandi starf hjá metnaðarfullri stofnun sem starfar í alþjóðlegu umhverfi. Við bjóðum upp á frábært mötuneyti og erum gott samstarfsfólk.

Nánari upplýsingar veitir Sædís Jónasdóttir deildarstjóri skráningar- og þjónustudeildar í síma 480 6000. Öllum umsóknum skal fylgja ítarleg starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Starfskjör eru í samræmi við kjarasamning ríkisins og viðkomandi stéttarfélags. Samgöngustofa áskilur sér rétt til að hafna öllum umsóknum. Samgöngustofa hvetur fólk óháð kyni, þjóðernisuppruna og fötlun til að sækja um.

Advertisement published5. August 2025

Application deadline15. August 2025

Language skills