Framkvæmdastjóri Háskóla Íslands
Háskóli Íslands auglýsir laust til umsóknar starf framkvæmdastjóra. Framkvæmdastjóri gegnir lykilhlutverki í daglegum rekstri skólans og ber ábyrgð á að tryggja skilvirkan rekstur, öfluga fjármálastjórnun og samhæfingu sameiginlegrar stjórnsýslu í samræmi við stefnu og lögbundið hlutverk skólans.
Framkvæmdastjóri er hluti af stjórnendateymi Háskóla Íslands og starfar náið með rektor, aðstoðarrektorum og öðrum stjórnendum skólans að þróun og samþættingu starfseminnar. Starfið heyrir undir rektor.
Undir framkvæmdastjóra heyra fjögur stoðsvið, þ.e. fjármálasvið, framkvæmda- og tæknisvið, mannauðssvið og upplýsingatæknisvið. Sviðsstjórar viðkomandi sviða fara með faglega ábyrgð og daglega stjórnun en framkvæmdastjóri hefur yfirumsjón með samhæfingu þeirra og framgangi verkefna í þágu skólans í heild.
-
Ábyrgð á rekstri skólans í umboði rektors
-
Ábyrgð á að starfsemi skólans sé í samræmi við lög, reglur og stefnu hans
-
Fagleg og rekstrarleg ábyrgð og umbætur á þeim sviðum sem heyra undir framkvæmdastjóra
-
Ábyrgð á gæðum og samhæfingu stjórnsýslu og stoðþjónustu skólans
-
Ábyrgð á skipulagi og þróun húsnæðismála skólans
-
Þátttaka í stefnumótun
-
Þátttaka í alþjóðlegu samstarfi á sviði stjórnsýslu og fjármála háskóla
-
Háskólapróf á framhaldsstigi sem nýtist í starfi, doktorspróf er kostur
-
Farsæl reynsla af stjórnun og forystu, þ.m.t. að stýra og leiða breytingar
-
Reynsla af rekstri og fjárhagsáætlanagerð
-
Þekking eða reynsla af opinberri stjórnsýslu og opinberum fjármálum er æskileg
-
Reynsla af starfi í háskólaumhverfi er kostur
-
Leiðtogahæfni og samskiptafærni
-
Frumkvæði og skipulagshæfni
-
Góð kunnátta í íslensku og ensku, bæði í ræðu og riti
Icelandic
English
