Brynja leigufélag ses.

Brynja leigufélag ses. er sjálfseignarstofnun og óhagnaðardrifið leigufélag. Markmið félagsins er að kaupa, eiga og reka íbúðarhúsnæði fyrir öryrkja. Félagið leggur áherslu á að bjóða leigjendum öruggt og hagkvæmt húsnæði og leitast við að halda leigugjöldum eins hóflegum og kostur er.

About

Forstöðumaður fasteignaumsjónar

Brynja leigufélag er eitt stærsta leigufélag landsins með rúmlega 1.100 íbúðir í rekstri. Hlutverk félagsins er að bjóða öruggt, vandað og aðgengilegt húsnæði og tryggja að eignir þess séu vel reknar og þeim vel viðhaldið til framtíðar.

Við leitum að öflugum og lausnamiðuðum aðila til að leiða og samræma viðhalds- og framkvæmdaverkefni fasteigna félagsins. Um er að ræða fjölbreytt starf þar sem viðkomandi hefur lykilhlutverk í að tryggja gæði, öryggi og góða upplifun leigjenda um leið og verðmæti fasteigna eru varðveitt.

Helstu verkefni og ábyrgð

Meta ástand fasteigna með tilliti til viðhalds og endurbóta
Dagleg stjórnun hóps iðnaðar- og vaktmanna félagsins
Skipulagning og eftirfylgni viðhaldsáætlana
Fjárhagsáætlun viðhalds og framkvæmda
Samskipti við leigjendur, verktaka og þjónustuaðila
Útboð verkefna, tilboðsöflun og samningsumsjón
Eftirlit með framkvæmdum, verklokum og gæðum verka
Umsjón með kostnaðaráætlunum og framvindu verkefna
Þátttaka í þróun verklags og fyrirbyggjandi viðhaldi fasteigna
Skráning og utanumhald upplýsinga í rekstrar- og fasteignakerfi félagsins

Menntunar- og hæfniskröfur

Háskólamenntun eða reynsla sem nýtist í starfi svo sem á sviði byggingariðnaðar, verkfræði, tæknifræði eða fasteignareksturs
Reynsla af stjórnun verklegra framkvæmda og framkvæmdaeftirliti
Góð þekking á viðhaldi fasteigna og framkvæmdum
Frumkvæði, skipulögð vinnubrögð og ábyrgðarkennd
Framúrskarandi samskipta- og þjónustuhæfni
Hæfni til að vinna sjálfstætt og fylgja verkefnum eftir til loka
Góð tölvukunnátta og reynsla af notkun verkefna- og upplýsingakerfa
Gott vald á íslensku í tali og riti

Brynja leggur áherslu á fagmennsku, framúrskarandi þjónustu og ábyrga umsjón með eignum félagsins

Við hvetjum áhugasama einstaklinga að sækja um og taka þátt í áframhaldandi uppbyggingu Brynju leigufélags