Forritari

Helstu verkefni forritara felast í þróun, viðhaldi og rekstri hugbúnaðarlausna, þar sem áhersla er lögð á að tryggja stöðugan og skilvirkan rekstur kerfa. Starfið krefst virkrar þátttöku í nýsköpun og þróun í náinu samstarfi við aðra sérfræðinga, auk þess sem forritari tekur þátt í hönnunar- og greiningarvinnu ásamt teyminu. Forritarar vinna bæði sjálfstætt og í samvinnu við teymi, allt eftir eðli og þörfum verkefna hverju sinni. Einnig felst í starfinu að bæta og þróa ferla, verklag og vinnubrögð innan teymisins til að stuðla að stöðugum umbótum og betri árangri.

Við leitum að einstaklingi sem:

• Hefur góða samskiptahæfni, lausnamiðaða hugsun og skipulag í vinnubrögðum.
• Sýnir frumkvæði, drifkraft og hefur jákvætt viðmót.
• Hefur vilja til að vinna bæði sjálfstætt og í teymi.
• Hefur vilja til að tileinka sér nýjustu tækni og lausnir.
• Hefur vilja til að þróast í starfi og miðla þekkingu.
• Hefur enskufærni málfar og ritun C1 skv. samevrópska tungumálarammnum.
• Hefur íslenskufærni málfar og ritun B2 skv. samevrópska tungumálarammanum.

Hæfniskröfur:

• Menntun í tölvunarfræði, hugbúnaðarverkfræði eða skyldum greinum.
• Reynsla af .NET / C#.
• Reynsla af SQL (PostgreSQL eða álíka).
• Reynsla af smíði veflausna.
• Reynsla af React, Next.js.
• Þekking á AWS er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfið hentar öllum kynjum sem eru með hreint sakavottorð. Öllum umsóknum verður svarað þegar ráðning liggur fyrir. Vakin er athygli á því að umsóknir gilda í sex mánuði frá því að umsækjandi sækir um starf. Í boði er 36 stunda vinnuvika, fjarvinnumöguleikar allt að 2 daga í viku og ýmis hlunnindi eins og símastyrkur, heilsuræktarstyrkur ofl. Einnig búum við að öflugu starfsmannafélagi sem skipuleggur viðburði.

Nánari upplýsingar veitir

Halldór B Hreinsson, Sviðsstjóri

Tölvupóstur: [email protected]

Sími: 8251074