Eftirlitsdýralæknir í sláturhúsum SA-umdæmi

Matvælastofnun óskar eftir því að ráða eftirlitsdýralækni til starfa í Suðausturumdæmi. Aðalstarfsstöð umdæmisins er á Selfossi en sláturhúsin eru staðsett á Selfossi og Hellu. Æskilegt er að umsækjendur geti hafið störf sem fyrst.

Matvælastofnun er nútímaleg og framsækin þjónustustofnun sem stendur vörð um hagsmuni og heilsu manna, dýra og plantna og eykur þannig velferð og verðmætasköpun í þágu þjóðarinnar. Starfsumhverfið er fjölskylduvænt og áhersla lögð á starfsánægju og góð samskipti ásamt því að stuðla að öflugu og lifandi þekkingarsamfélagi. Gildin sem starfsfólk hefur að leiðarljósi eru FAGMENNSKA, GAGNSÆI OG TRAUST.

Helstu verkefni og ábyrgð

Eftirlitsdýralæknir sinnir fyrst og fremst heilbrigðiseftirliti í sláturhúsum samkvæmt gildandi lögum og reglugerðum á sviði matvæla og dýravelferðar.

Hæfniskröfur

• Dýralæknamenntun og gilt starfsleyfi er skilyrði.
• Þekking á gæðamati kjöts, sjúkdómum í sláturdýrum og lögum og reglum um slátrun, dýravelferð og matvælaöryggi.
• Þekking á aðferðum við slátrun.
• Þekking á stjórnsýslu og eftirlitslöggjöf.
• Reynsla af störfum með sláturdýr eða í sláturhúsi er æskileg.
• Framúrskarandi samskiptahæfni og færni til að takast á við krefjandi aðstæður og einstaklinga af yfirvegun.
• Nákvæmni og færni í skriflegri skjalagerð og vandaðri skýrslugerð.
• Krafa um getu til að sýna sjálfstæði í vinnubrögðum og færni til að taka traustar, faglegar ákvarðanir jafnt á vettvangi sem í teymi.
• Færni í að miðla upplýsingum og niðurstöðum á skýran og faglegan hátt sem eflir traust á eftirlitsstarfi stofnunarinnar.
• Góð almenn tölvukunnátta og geta til að tileinka sér færni í notkun starfstengdra kerfa sem stofnunin notar.
• Enskufærni málfar og ritun C1 skv. samevrópska tungumálarammnum
• Íslenskufærni málfar og ritun B2 skv. samevrópska tungumálarammanum æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Dýralæknafélag Íslands hafa gert.

Nánari upplýsingar um störfin veitir Thelma Dögg Róbertsdóttir, héraðsdýralæknir, á netfanginu [email protected] í síma 530 4800. Við búum við að öflugu starfsmannafélagi sem skipuleggur viðburði jafnt og þétt yfir árið.

Umsókn þarf að fylgja starfsferilsskrá og afrit af prófskírteini og gilt ökuskíretni. Öllum umsóknum verður svarað þegar ráðning liggur fyrir. Vakin er athygli á því að umsóknir gilda í 6 mánuði nema umsækjandi ákveði annað. Launakjör eru samkvæmt gildandi kjarasamningi fjármálaráðherra og Dýralæknafélags Íslands.

Nánari upplýsingar um stofnunina er að finna á www.mast.is.