Hörðuvallaskóli

Hörðuvallaskóli er hverfisskóli Kórahverfis í Kópavogi fyrir nemendur í 1. – 7. bekk. Skólinn leggur áherslur á jákvæðan skólabrag. Bekkjarfundir, samstundir, vinaliðaverkefni og núvitund stuðla að góðum og jákvæðum skólabrag. Að auki er skólinn í samstarfi við leikskóla í hverfinu varðandi vináttuverkefni Barnaheilla. Í Hörðuvallaskóla einkennist nám og kennsla af áhugaverðum og markvissum verkefnum. Nemendur hafa tækifæri til að hafa áhrif á nám sitt og eiga gagnrýna samræðu um það. Eru meðvitaðir um hvert er stefnt og fá markvissa endurgjöf frá kennurum á leiðinni. Einkunnarorð skólans eru: Það er gaman í skólanum! Og tekur allt starf skólans mið af þeim. Hörðuvallaskóli er einn stærsti grunnskóli landsins og jafnframt einn sá öflugasti. Nemendur skólans fá tækifæri til að rækta styrkleika sína og við útskrifum ábyrga, sjálfstæða, sjálfsörugga og samskiptahæfa nemendur. Skólinn er eftirsóttur vinnustaður fyrir nemendur og starfsfólk og nýtur álits fyrir framsækið og þróttmikið starf. Samskipti innan skólans eru uppbyggileg og einkennast af gagnkvæmri virðingu.

About

Deildarstjóri yngsta stigs í Hörðuvallaskóla

Deildarstjóri yngsta stigs óskast í Hörðuvallaskóla fyrir skólaárið 2026-2027

Í Hörðuvallaskóla eru um 520 nemendur í 1.- 7. árgangi og um 90 starfsmenn. Í skólanum fer fram metnaðarfullt starf og unnið er eftir uppeldisstefnunni Uppeldi til ábyrgðar. Gildi skólans eru virðing, heiðarleiki og þrautseigja.

Í Hörðuvallaskóla er lögð áhersla á skapandi og framsækið skólastarf og eru allir nemendur og kennarar skólans með spjaldtölvur. Mikil áhersla er lögð á fjölbreytta kennsluhætti, teymiskennslu, leiðsagnarnám og unnið er eftir samþættu verkefnamiðuðu þemanámi á miðstigi skólans. Unnið er eftir læsisstefnu skólans með áherslu á PALS og Byrjendalæsi. Skólinn er í innleiðingarferli að verða Réttindaskóli UNICEF.

Upplýsingar um skólastarfið í Hörðuvallaskóla, stefnu hans og helstu áherslur er að finna á heimasíðu skólans, www.horduvallaskoli.is .

Helstu verkefni og ábyrgð

Faglegur leiðtogi innan skóla í að stuðla að framþróun og nýbreytni í kennsluháttum og kennsluaðferðum s.s. PALS, byrjendalæsi, leiðsagnarnámi, teymiskennslu, námsmati og nýtingu upplýsingatækni í skólastarfi.
Fylgist með nýjungum á sviði kennslu og er leiðandi í faglegri umræðu.
Stýrir daglegu starfi á yngstastigi skólans ásamt starfsmannahaldi þar eins og við á.
Vinnur að þróun skólastarfs í samstarfi við stjórnendur og samstarfsfólk.

Menntunar- og hæfniskröfur

Kennsluréttindi og kennslureynsla í grunnskóla skilyrði.
Reynsla af stjórnun í grunnskóla æskileg.
Viðbótarmenntun sem nýtist í starfi kostur.
Þekking og reynsla af uppeldi til ábyrgðar, PALS, byrjendalæsi, teymiskennslu, leiðsagnarnámi og samþættu verkefnamiðuðu þemanámi þar sem unnið er með viðmið um árangur.
Stundvísi, áreiðanleiki og þolinmæði.
Metnaður í starfi, sjálfstæði, drifkraftur og áhugi fyrir skólaþróun.
Mjög góð hæfni í íslensku bæði í töluðu máli og rituðu.
Mjög góð þekking á Mentor, upplýsingatækni og notkun rafrænna miðla í skólastarfi.
Leiðtogahæfileikar, framúrskarandi samskiptahæfni og góðir skipulagshæfileikar.

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Um er að ræða 100% afleysingastöðu með 75% stjórnunarumfangi skólaárið 2026-2027.

Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Bent er á að samkvæmt lögum þurfa umsækjendur að samþykkja heimild til öflunar upplýsinga úr sakaskrá.

Tekið verður mið af jafnréttisstefnu Kópavogsbæjar við ráðningu í starfið.

Umsóknarfrestur er til og með 7. apríl 2026.

Ráðið verður í stöðuna frá 1. ágúst n.k.

Nánari upplýsingar veitir Sigrún Ólöf Ingólfsdóttir skólastjóri Hörðuvallaskóla í [email protected] eða í síma 4413600/6946909.

Einungis er tekið á móti umsóknum í gegnum ráðningarvef Alfreðs.

Advertisement published24. March 2026