Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

About

Deildarstjóri þjónustudeildar á Norðursvæði

Vegagerðin leitar að framsæknum einstaklingi í fjölbreytt og krefjandi starf deildarstjóra þjónustudeildar á Norðursvæði. Deildarstjóri ber ábyrgð á stjórnun og rekstri deildarinnar og hefur yfirumsjón með þjónustustöðvum og verkstæði. Innan þjónustudeildar Norðursvæðis starfa um 40 starfsmenn á þjónustustöðvum á Hvammstanga, Sauðárkróki, Húsavík og Þórshöfn/Vopnafirði, auk þjónustustöðvar og vélaverkstæðis á svæðismiðstöð Norðursvæðis á Akureyri.

Helstu verkefni og ábyrgð

Deildarstjóri leiðir starfsemi þjónustudeildar og tryggir að þjónustuverkefnum sé sinnt í samræmi við verklag.

Undirbúningur og áætlanagerð fyrir þjónustu og rekstur samgöngukerfis svæðisins, almennur rekstur og vetrarþjónusta.
Yfirumsjón með rekstri og starfsemi þjónustustöðva og vélaverkstæðis.
Yfirumsjón með rekstri jarðganga.
Umsjón með viðhaldi vegsvæða.
Leyfisveitingar fyrir viðburði og framkvæmdir tengdar veghelgunarsvæði.
Kostnaðareftirlit og birgðahald.
Ábyrgð á starfsfólki og góðu starfsumhverfi.
Öryggis- og umhverfismál á þjónustustöðvum.
Samskipti við hagaðila á svæðinu.

Menntunar- og hæfniskröfur

Háskólapróf sem nýtist í starfi, s.s. verkfræði, tæknifræði eða viðskiptafræði. Framhaldsnám er kostur.
Reynsla af stjórnun, rekstri og áætlanagerð er kostur.
Mjög góð hæfni til ákvarðanatöku, eftirfylgni og verkefnastýringar.
Framúrskarandi samskiptafærni og lausnamiðuð nálgun.
Frumkvæði og faglegur metnaður.
Öryggisvitund.
Mjög góð íslenskukunnátta í rituðu og töluðu máli.
Mjög góð tölvukunnátta.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið.

Starfshlutfall er 100%

Umsóknarfrestur er til og með 08.04.2026

Nánari upplýsingar veitir

Gunnar Helgi Guðmundsson, svæðisstjóri Norðursvæðis - [email protected] - 522 1000

Advertisement published16. March 2026

Application deadline8. April 2026

Language skills