Vistor

Deildarstjóri skráningardeildar og klíniskra rannsókna

Ert þú öflugur stjórnandi með brennandi áhuga á að leiða hóp sérfræðinga?

Við leitum að metnaðarfullum og öflugum stjórnanda til að leiða um 20 manna deild innan Vistor. Deildin samanstendur af sérfræðingum sem sinna klínískum rannsóknum, þýðingum og sérhæfðri skráningarvinnu. Um er að ræða spennandi tækifæri fyrir einstakling sem býr yfir sterkum leiðtogahæfileikum, færni í að skapa jákvæða vinnustaðamenningu og hefur áhuga á tæknivæðingu og stafrænum framförum.

Helstu verkefni og ábyrgð

Ábyrgð á daglegum rekstri deildarinnar
Leiða teymi reyndra sérfræðinga og stuðningur við starfsfólk
Samskipti við yfirvöld, birgja og viðskiptavini
Ábyrgð á öllu sem lýtur að skráningu lyfja og því að starfsemi deildarinnar samræmist samningum við erlenda lyfjabirgja og kröfur yfirvalda
Deildarstjóri skráningardeildar og klínískra rannsókna er virkur þátttakandi í stjórnendahópi Vistor og situr í gæðaráði félagsins

Menntunar- og hæfniskröfur

Háskólamenntun á heilbrigðis- eða raunvísindasviði. Viðbótarmenntun á sviði stjórnunar og reksturs er kostur
Reynsla af stjórnun og rekstri er æskileg
Framúrskarandi samskiptahæfni og færni til að leiða teymi til árangurs
Þekking á skráningarferlum og íslenska heilbrigðiskerfinu
Metnaður og drifkraftur til að ná árangri í starfi
Hæfni til að tileinka sér og innleiða tækninýjungar
Mjög góð íslensku- og enskukunnátta er skilyrði og þekking á Norðurlandatungumáli er kostur

Umsóknarfrestur er til og með 10. febrúar nk.

Stefna Vistor er að stuðla að jafnrétti og fjölbreytileika meðal starfsfólks og hvetjum við einstaklinga af öllum kynjum til að sækja um. Tekið er við umsóknum í gegnum ráðningarvef Vistor, á www.vistor.is. Umsókn skal fylgja ítarleg ferilskrá og kynningarbréf.

Nánari upplýsingar veita:

Þórður Arnar Þórðarson, framkvæmdastjóri Vistor, [email protected]

Hildur Guðjónsdóttir, mannauðssérfræðingur, [email protected].

Vistor er leiðandi fyrirtæki á sviði markaðssetningar á lyfjum, heilsuvörum og dýraheilbrigðisvörum á Íslandi. Fyrirtækið er samstarfsaðili fjölmargra alþjóðlegra lyfjafyrirtækja og veitir þeim þjónustu við skráningar, sölu- og markaðsmál, klínískar rannsóknir, auk þess að hafa milligöngu um innflutnings- og dreifingarstarfsemi.

Advertisement published31. January 2025

Application deadline10. February 2025

Language skills