Deildarstjóri fræðslu- og frístundamála Fjallabyggðar

Við leitum að aðila sem hefur brennandi áhuga á málaflokki fræðslu- og frístundamála og hefur menntun og reynslu sem nýtist til þess að taka þátt í að skapa metnaðarfulla framtíðarsýn.

Starfið felur í sér umsjón með framkvæmd laga um fræðslu- og frístundamál sem og önnur verkefni sem tilheyra málaflokkunum og sveitarstjórn hefur samþykkt.

Næsti yfirmaður deildarstjóra er sviðsstjóri velferðarsviðs.

Æskilegt er að viðkomandi geti hafið störf sem fyrst.

Helstu verkefni og ábyrgð

Þátttaka í mótun framtíðarsýnar og stefnumótun með hagsmunaaðilum í samræmi við stefnur og lög sem tengjast málaflokknum
Aðkoma að gerð fjárhagsáætlana í samvinnu við sviðsstjóra
Umsjón með Frístund, frístundastarfi fyrir 1. – 4. bekk í samstarfi við grunnskólann, íþróttafélög og tónlistarskólann
Umsjón með félagsmiðstöðinni Neon og ungmennaráði
Samstarf og samskitpi við íþróttafélög varðandi frístundastarf barna og unglinga
Umsjón með Sportabler, rafrænum frístundastyrkjum og er tengiliður við notendur
Ýmis önnur verkefni og samstarf til samræmis við þjónustumarkmið

Menntunar- og hæfniskröfur

Háskólamenntun sem nýtist í starfi
Haldbær starfsreynsla á sviði fræðslu- og frístundamála
Þekking á sviði leik- og grunnskóla
Reynsla af vinnu með börnum og ungmennum
Góð hæfni til samstarf og samskipta
Brennandi áhugi á fræðslu- og frístundamálum
Góð íslensku- og enskukunnátta
Metnaður til að ná árangri í starfi

Fjallabyggð er fjölskylduvænt samfélag, þar sem tími er fyrir tómstundastarf í nálægð við stórbrotna náttúru og blómlegt starf íþróttafélaga.

Umsóknarfrestur er til og með 8. ágúst 2025.

Fjallabyggð hvetur öll áhugasöm til að sækja um starfið óháð kyni. Öllum umsóknum verður svarað þegar ákvörðun um ráðningu liggur fyrir. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Sótt er um starfið á www.mognum.is

Nánari upplýsingar veita Sigríður Ólafsdóttir; [email protected] og Bjarkey Olsen Gunnarsdóttir, sviðsstjóri velferðarsviðs Fjallabyggðar, [email protected]

Með umsókn skal fylgja greinagóð starfsferilskrá, viðeigandi námsstaðfestingar og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjenda. Þeir aðilar sem koma til greina þurfa að veita heimild til að leitað sé upplýsinga úr sakaskrá.

Advertisement published17. July 2025

Application deadline8. August 2025

Language skills