Breiðholtsskóli

Breiðholtsskóli er heildstæður grunnskóli í 1. til 10. bekk með um 440 nemendur og um 75 starfsmenn. Einkunnarorð skólans eru ábyrgð, traust og tillitssemi og kjörorðin -árangur fyrir alla. Í Breiðholtsskóla er lögð áhersla á skapandi og skemmtilegt skólastarf, læsi, félagsfærni og sjálfseflingu. Hér er fjölmenningarlegt samfélag nemenda og starfsmanna og um 40% nemenda hafa annað móðurmál en íslensku. Lögð er áhersla á samvinnu starfsmanna í teymum þar sem allir taka virkan þátt í þróun skólastarfsins í anda Aðalnámskrár og Menntastefnu Reykjavíkurborgar. Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

About

Deildarstjóri eldra stigs

Laus er til umsóknar staða deildarstjóra eldrastigs við Breiðholtsskóla í 100% starfshlutfalli frá og með 1. desember 2025.

Breiðholtsskóli er staðsettur í hjarta Bakkahverfisins, með allt sem þarf fyrir gott og farsælt skólastarf: áhugasama nemendur, hlýlegan starfsanda og góða aðstöðu fyrir öflugt skólastarf.

Í skólanum er lögð áhersla á árangur fyrir alla nemendur og einkunnarorðin ábyrgð, traust og tillitssemi eru leiðarljós í daglegu starfi skólans. Við leggjum áherslu á skemmtilegt starf í öruggu umhverfi, upplýsingatækni, sköpun og heilsueflingu.

Við sem hér störfum erum stolt af skólanum okkar sem státar af fjölmenningarlegu samfélagi nemenda, foreldra og starfsmanna. Í skólanum er mikil fagþekking og spennandi gróska í kennslu íslensku sem annars máls sem er leidd áfram af framúrskarandi kennurum.

Við leitum að einstaklingi sem hefur reynslu, þekkingu og trú á hugmyndafræði um skóla án aðgreiningar. Starfið felst í því að stýra og móta starfið í 6. -10. bekk í samstarfi við annað starfsfólk.

Umsókn fylgi ferilskrá, menntunargögn og annað er málið varðar.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

· Deildarstjóri er hluti af stjórnunarteymi skólans, stýrir daglegri starfsemi eldra stigs og ákveðnum viðburðum í skólanum.

· Leiðtogi og þátttakandi í faglegri forystu á sviði kennslu og þróunar í skólastarfi í takti við stefnu skólans og Aðalnámskrá grunnskóla.

· Stuðla að velferð nemenda í samstarfi við foreldra og fagfólk innan skóla og utan.

Menntunar- og hæfniskröfur

· Leyfi til að nota starfsheitið grunnskólakennari.

· Viðbótarmenntun á sviði stjórnunar eða sambærileg menntun sem nýtist í starfi.

· Stjórnunarreynsla úr grunnskóla og/eða reynsla af kennslu og vinnu með nemendum á mið- og unglingastigi.

· Hæfni og reynsla við að veita faglega forystu í skólaþróunarverkefnum.

· Afburðarhæfni í samskiptum og samvinnu.