RÚV

RÚV starfar í almannaþágu og hefur það hlutverk að vekja, virkja og efla. Öflugt og samhent starfsfólk skoðar samfélagið með gagnrýnum hætti, segir mikilvægar sögur og þróar nýjar leiðir til miðlunar.

About

Dagskrárgerðarmaður Rás 2

Rás 2 leitar að dagskrárgerðarmanni með breiða og góða þekkingu og brennandi áhuga á útvarpi.

Rás 2 svalar forvitni hlustenda um margbrotna heima menningar og samfélags allan sólarhringinn alla daga ársins. Öflugt og skapandi starfsfólk skoðar samfélagið með gagnrýnum hætti, segir mikilvægar sögur og þróar nýjar leiðir til miðlunar.

Gerð er rík krafa til dagskrárgerðarfólks um fagmennsku, óhlutdrægni og frjóa hugsun. Rás 2 er mikilvægur liður í öryggishlutverki RÚV og miðlar upplýsingum til þjóðarinnar á hraðan og öruggan hátt.

Helstu verkefni og ábyrgð

Framleiðsla og þróun útvarpsefnis á Rás 2.
Vinnsla dagskrárefnis fyrir vef.
Þátttaka í samfélagsumræðu í dægurmálaþáttum Rásar 2.
Kynningar og þátttaka í þróun dagskrárhugmynda.
Góð samskipti og samstarf við aðrar einingar RÚV.

Menntunar- og hæfniskröfur

Háskólamenntun sem nýtist í starfi.
Reynsla af útvarpsvinnu eða miðlun er kostur, en ekki skilyrði.
Reynsla af vinnslu vefefnis er kostur.
Sköpunargleði og hæfni til að tengjast hlustendum.
Gott vald á íslenskri tungu og ágæt tungumálaþekking.
Sjálfstæð vinnubrögð og góð skipulagshæfni.
Lipurð í mannlegum samskiptum og jákvætt hugarfar.

Umsóknarfrestur er til 25. janúar n.k.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda til að gegna starfinu í samræmi við áherslur í auglýsingu. Umsóknir á erlendum tungumálum og umsóknir án viðeigandi umsóknargagna verða ekki teknar til greina.

Nánari upplýsingar veitir Matthías Már Magnússon, dagskrástjóri Rásar 2, [email protected].

Við hvetjum áhugasöm til að sækja um starfið, óháð kyni, uppruna eða fötlun.

Advertisement published9. January 2026

Application deadline25. January 2026

Language skills