Barnafataverslunin Polarn O. Pyret

Viltu vinna á líflegum vinnustað með góðu fólki?

Við leitum að jákvæðum, duglegum og glaðlegum einstaklingi sem hefur áhuga á að vinna með okkur í PO.P Kringlunni.

Starfið er fjölbreytt og felur í sér allar hliðar verslunarstarfa þar á meðal þjónustu við viðskiptavini, móttöku og framsetningu á vöru og afgreiðslu netpantana. Vaktir eru frá 10-17 og 12-18:30.

Einnig er möguleiki á helgar eða aukavinnu.

Hæfniskröfur:

• Söluhæfileikar og hæfni í mannlegum samskiptum
• Reynsla af sölu og þjónustu
• Sjálfstæði í vinnubrögðum, dugnaður og jákvæðni
• Þjónustulund, jákvætt og glaðlegt viðmót
• Góð íslenskukunnátta skilyrði
• Æskilegt að umsækjandi sé 30 ára eða eldri

Við leggjum áherslu á að veita viðskiptavinum okkar framúrskarandi þjónustu og ráðgjöf. Við hlökkum til að fá umsóknina þína ásamt ferilskrá og kynningarbréfi.

Ef þig vantar frekari upplýsingar sendu tölvupóst á [email protected]

POLARN O. PYRET er sænskt vörumerki sem er leiðandi í hönnun og framleiðslu á vönduðum og umhverfisvænum gæðafatnaði á börn á aldrinum 0-11 ára. Fyrirtækið var stofnað árið 1976 og hefur verslunin í Kringlunni verið þar frá opnun eða í 38 ár. Merkið er þekkt fyrir gæði og eru vörur fyrirtækisins seldar í ótal verslunum víða um heim.