Leikskólinn Bjartahlíð

Atferlisþjálfi óskast í leikskólann Björtuhlíð í fullt starf

Stuðningur í sérkennslu óskast í leikskólann Björtuhlíð. Starfið felur í sér að vera stuðningur við börn með einhverfu. Um er að ræða spennandi vettvang fyrir áhugasama um sérþarfir ungra barna.

Stuðningsfulltrúi myndi fá leiðbeiningar og mikinn stuðning frá sérkennslustjóra.

Um er að ræða fullt starf eða hlutastarf í skemmtilegum starfsmannahópi. Viðkomandi getur byrjað strax eða eftir samkomulagi.

Helstu verkefni og ábyrgð

Að veita barni með sérþarfir leiðsögn og stuðning.
Að vinna eftir ráðleggingum sérkennslustjóra um umönnun og stuðning.
Að sinna þeim verkefnum er varðar stuðning, og öðrum störfum innan leikskólans, sem yfirmaður felur honum.

Menntunar- og hæfniskröfur

Reynsla af sérkennslu æskileg
Reynsla af uppeldisstörfum með börnum æskileg
Áhugi á útikennslu
Lipurð og sveigjanleiki í samskiptum
Frumkvæði í starfi og faglegur metnaður
Sjálfstæð vinnubrögð
Góð íslenskukunnátta

Fríðindi í starfi

36 stunda vinnuvika fyrir fullt starf.
Frír hádegismatur; hægt að fá vegan og grænmetismat.
Samgöngustyrkur.
Sundkort; frítt í 7 sundlaugar Reykjavíkurborgar allt árið.
Líkamsræktarstyrkur.
Menningarkort; frítt í öll söfn borgarinnar og bókasafnskort.
Forgangur barna í leikskóla og afsláttur af dvalargjaldi.

Frekari upplýsingar gefur Rakel Ólafsdóttir, leikskólastjóri og Jóhanna Ögmundsdóttir, sérkennslustjóri bjartahlid@reykjavik.is, s. 411-3600.

Laun eru samkvæmt kjarasamningi Reykjavíkurborgar við viðkomandi stéttarfélag.

Leikskólinn er staðsettur í tveim húsum, annað er staðsett í Stakkahlíð þar sem börn á aldrinum 1-2,5 ára eru og hitt liggur í Grænuhlíð en þar eru börnin frá 2,5-6 ára.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Advertisement published11. September 2024

Application deadline5. October 2024

Language skills