Langanesbyggð er öflugt og vaxandi sveitarfélag með miklar væntingar og spennandi framtíðarmöguleika. Samfélagið er lítið og samhent þar sem einstaklingar og fjölskyldur fá notið sín. Þéttbýlisstaðir eru tveir, Þórshöfn og Bakkafjörður auk dreifbýlis í Þistilfirði og á Langanesströnd. Alls er sveitarfélagið um 2500km2. Íbúar eru um 580. Hjúkrunarheimilið Naust er í eigu Langanesbyggðar. Framkvæmdir standa yfir við umfangsmiklar endurbætur á á því og er fyrsta áfanga lokið. Endurbætur fóru fram á Grunnskólanum fyrir 10 árum og nýr leikskóli var tekinn í notkun haustið 2019. Öll almenn þjónusta er á Þórshöfn, verslun, veitingastaður og gististaður, gott íþróttahús og innisundlaug. Ungmennafélag Langnesinga stendur fyrir öflugu íþróttastarfi í sveitarfélaginu. Í næsta nágrenni eru margar af helstu náttúruperlum landsins og ótal spennandi útivistarmöguleikar, s.s. fallegar gönguleiðir og stang- og skotveiði. Mikið og fjölbreytt félagslíf er í byggðarlaginu. Samgöngur eru góðar, m.a. flug fimm daga vikunnar til Reykjavíkur um Akureyri. Langanesbyggð leitar að fólki á öllum aldri og, kynjum, með margs konar menntun og reynslu. Í samræmi við jafnréttisáætlun Langanesbyggðar eru öll kyn hvött til að sækja um störf hjá sveitarfélaginu.