KPMG er alþjóðlegt ráðgjafarfyrirtæki sem leggur áherslu á að veita viðskiptavinum sínum framúrskarandi þjónustu á sviði endurskoðunar, bókhalds, alhliða fjármálaráðgjafar ásamt skatta og lögfræði. Hjá KPMG á Íslandi starfa um 330 sérfræðingar á 15 skrifstofum um land allt. Starfsfólk KPMG hefur fjölbreytta reynslu og menntun sem gefur viðskiptavinum okkar tækifæri til að leysa flóknar viðskiptaáskoranir með stuttum boðleiðum. Okkar markmið er að vera eftirsóknarverður og framúrskarandi vinnustaður fyrir fjölbreyttan hóp af fólki. Við leggjum því mikla áherslu á að bjóða upp á heilbrigt og hvetjandi starfsumhverfi þar sem starfsfólk hefur tækifæri til að vaxa og dafna í starfi. Við náum árangri saman með því að hafa traust, sveigjanleika og góð samskipti að leiðarljósi á vinnustaðnum. Nokkur dæmi um kosti þess að vinna hjá KPMG: • Fjölbreytt verkefni og tækifæri til að hafa jákvæð áhrif á viðskiptavini og samfélagið. • Frábær tækifæri til að læra af leiðandi sérfræðingum hjá KPMG á Íslandi og erlendis. • Möguleikar á að þróast í starfi. • Fyrsta flokks mötuneyti í Borgartúni með fjölbreyttu og hollu fæði. • Heilsueflandi vinnustaður, t.d. er bootcamp í boði tvisvar í viku í Borgartúni, hlaupaklúbbur, fjallgönguklúbbur, golfklúbbur, vikulegur fótbolti og fleira. • Aðgangur að heilsustyrk, samgöngustyrk og styrk fyrir tímum hjá sálfræðingi. • Sveigjanleiki til að vinna frá mismunandi skrifstofum og að heiman þegar við á. • Einn launaður dagur á ári til sjálfboðavinnu. • Og margt fleira.