Vélvirki á vélaverkstæði Orku náttúrunnar
Viltu vinna við vélbúnaðinn sem heldur virkjunum okkar gangandi?
Við hjá Orku náttúrunnar leitum að öflugum vélvirkja á vélaverkstæði virkjana okkar.
Í hlutverkinu færðu tækifæri til að vinna við fjölbreytt og krefjandi verkefni í framúrskarandi starfsumhverfi.
Starfið snýr að viðhaldi, viðgerðum og endurbótum á vélbúnaði og framleiðslutengdum kerfum í virkjunum ON. Verkefnin eru fjölbreytt, allt frá reglubundnu viðhaldi og bilanagreiningum yfir í upptektir og nýframkvæmdir.
Þú verður hluti af öflugu fagteymi og vinnur náið með samstarfsfólki þínu á verkstæðinu, verkstjórum, ábyrgðaraðilum, sérfræðingum, rekstri og verktökum.
Starfið felur meðal annars í sér að:
- sinna reglubundnu vélaviðhaldi, eftirliti og viðgerðum
- greina bilanir og frávik og taka þátt í úrlausn þeirra
- vinna að upptektum og viðgerðum á vélbúnaði og vélasamstæðum
- taka þátt fjölbreyttum verkefnum
- vinna samkvæmt öryggis-, umhverfis- og gæðakröfum ON
Við leitum að vélvirkja sem hefur áhuga á að starfa í fjölbreyttu starfsumhverfi og vinnur verk sín af fagmennsku.
Á meðal þeirra eiginleika sem við leitum eftir eru:
- Góð verkleg færni ásamt þekkingu á vélbúnaði og vélaviðhaldi
- Rík öryggisvitund, hæfni til að meta áhættu og að vinna samkvæmt öryggis- og umhverfiskröfum
- Sjálfstæði í starfi og hæfni til að taka þátt í góðu samstarfi
- Samskiptafærni og frumkvæði
- Sveinspróf í vélvirkjun
- Þekking á viðhaldskerfum á borð við DMM og reynsla af sambærilegu starfsumhverfi er kostur
Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.
