Tæknimaður á stjórnborði/NOC

Við hjá Sýn erum að leita að tæknimanni á stjórnborðið okkar sem er tæknilegasta skrifstofa fyrirtækisins. Stjórnborðið gegnir mikilvægu hlutverki í að vakta tækni-innviði Sýnar ásamt kerfum frá öðrum aðilum.

Helstu hlutverk tæknimanns eru að vakta eftirlitskerfi, fylgjast með fjarskiptum í innsta hring og bregðast við uppákomum sem fela í sér að kalla út viðbragðsaðila (bakvaktir). Starfið er því mjög fjölbreytt og snertir á mörgum tæknilausnum. Á stjórnborðinu er unnið eftir vaktafyrirkomulagi sem rúllar á 5 vikum og inniheldur 7 dagvaktir, 4 kvöldvaktir, 7 næturvaktir og 17 vakta frídaga.

Helstu verkefni:

• Vakta eftirlitskerfi, bregðast við atvikum og kalla út viðbragðsaðila bakvaktir).
• Skrá atvik og senda tilkynningar til viðskiptavina.
• Samskipti við tæknimenn og aðra hagsmunaaðila.
• Leggja til umbótaverkefni í kjölfar atvika.

Hæfniskröfur:

• Nákvæmni, skipulagshæfileikar og sjálfstæð vinnubrögð
• Tækniþekking
• Geta fylgja skilgreindum ferlum
• Gott talnalæsi
• Góð samskiptahæfni og góð þjónustulund
• Metnaður til að gera sífellt betur við að þjónusta viðskiptavini stjórnborðs.
• Þekking á hugbúnaðar, net og fjarskiptalausnum er kostur

Nýir starfsmenn fá ítarlega grunnþjálfun áður en þeir hefja störf á stjórnborði.

Viðkomandi þarf að geta hafið störf sem fyrst.

Umsóknarfrestur er til 18.nóvember nk. Við hvetjum fólk af öllum kynjum til að sækja um. Nánari upplýsingar um starfið veitir mannauðsdeild á mannaudur@syn.is.

Hver erum við?

Sýn er leiðandi fyrirtæki á sviði fjarskipta og fjölmiðlunar á Íslandi. Undir Sýn heyra vörumerkin Vodafone, Stöð 2, Vísir, Bylgjan, FM957, X-977, Stöð 2 Sport, Já.is og dótturfélagið Endor. Hjá okkur starfar samheldinn hópur fólks sem leitast stöðugt við að veita viðskiptavinum okkar framúrskarandi þjónustu.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.