Stuðningsfulltrúi í frístundaheimilið- Gulahlíð

Frístundaheimilið Gulahlíð er starfrækt undir Frístundamiðstöðinni Kringlumýri sem starfrækir átta önnur frístundaheimili. Markmið frístundaheimila er að þjálfa félags- og samskiptafærni barna í gegnum leik og starf. Frístundaheimilið Gulahlíð stendur fyrir frítímastarfi, að skóla loknum og þjónustar börn úr Klettaskóla. Klettaskóli er sérskóli fyrir börn og unglinga með fötlun.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er. Í boði er 30-50% hlutastarf eftir hádegi á virkum dögum kl. 13-17. Viðkomandi þarf að geta hafið störf sem fyrst.