Вакансії Talent Pool Робочі місця Освіта

Íþróttamiðstöðvar Fjarðabyggðar

Íþróttamiðstöðvar Fjarðabyggðar samanstanda af íþróttahúsum í hverjum kjarna, sundlaugum, Fjarðabyggðarhöllinni og skíðasvæðinu í Oddsskarði. Í Fjarðabyggð eru fimm íþróttamiðstöðvar ásamt Fjarðabyggðarhöllinni á Reyðarfirði. Íþróttamiðstöðvarnar eru nýttar sem skólamannvirki, til æfinga og fyrir almenning. Í sveitarfélaginu eru einnig glæsilegar útisundlaugar á Norðfirði og Eskifirði, með heitum pottum, sundrennibrautum og frábærri aðstöðu. Á Fáskrúðsfirði er notaleg innilaug með heitum útipotti. Á Stöðvarfirði og í Breiðdal eru litlar útilaugar ásamt heitum pottum í fallegu umhverfi. Skíðasvæðið Oddsskarð er eitt skemmtilegasta skíðasvæði landsins. Á skíðasvæðinu eru tvær toglyftur og barnalyfta, góð aðstaða fyrir brettafólk og skíðaskáli með veitingaaðstöðu.

Про

Starfsmaður óskast á Skíðasvæðið í Oddsskarði

Skíðasvæðið í Oddsskarði leitar að öflugum starfsmanni til starfa fyrir komandi skíðavetur.

Meginhluti starfsins felst í snjótroðslu og undirbúningi skíðasvæðisins en viðkomandi mun jafnframt taka þátt í almennu viðhaldi og daglegum rekstri svæðisins.

Við leitum að einstaklingi sem hefur áhuga á vélum og tækjum, er handlaginn, sjálfstæður í vinnubrögðum og tilbúinn að takast á við fjölbreytt verkefni við krefjandi en skemmtilegar aðstæður.

Helstu verkefni og ábyrgð

Snjótroðsla og undirbúningur á skíðabrekkum
Daglegt eftirlit og umhirða snjótroðara og annarra vinnuvéla
Viðhald og viðgerðir á vélum og tækjabúnaði
Viðhald og eftirlit með skíðalyftum og öðrum búnaði skíðasvæðisins
Undirbúningur svæðisins fyrir opnun og frágangur að loknum opnunartíma
Snjómokstur og önnur verkefni tengd snjó og færð
Þátttaka í almennum rekstri og öryggismálum skíðasvæðisins
Önnur tilfallandi verkefni eftir þörfum

Menntunar- og hæfniskröfur

Umsækjandi skal hafa gild vinnuvélaréttindi
Reynsla af störfum á skíðasvæði er kostur.
Reynsla af vinnu við vinnuvélar, vélar, stór tæki eða sambærilegan búnað.
Mikil og góð þekking á viðhaldi, rekstri og umhirðu tækja og búnaðar.
Þekking á snjó, veðurfari og snjóflóðahættu.
Iðnmenntun eða önnur menntun sem nýtist í starfi er kostur.
Góð hæfni til að greina og leysa vandamál sem upp geta komið í daglegum rekstri.
Geta til að vinna bæði sjálfstætt og í teymi.
Frumkvæði, skipulagshæfni og sjálfstæð vinnubrögð.
Ábyrgðarkennd, stundvísi og rík öryggisvitund.
Sveigjanleiki og vilji til að vinna á óhefðbundnum vinnutímum þegar aðstæður krefjast þess.
Gild ökuréttindi.