FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

Про

Spennandi starf í upplýsingatækni

Framkvæmdasýslan-Ríkiseignir (FSRE) leitar að öflugum og lausnamiðuðum kerfisstjóra til að taka þátt í að byggja upp og viðhalda stöðugu, öruggu og hagkvæmu upplýsingatæknikerfi stofnunarinnar. Um er að ræða fjölbreytt og krefjandi starf í metnaðarfullu umhverfi þar sem upplýsingatækni gegnir lykilhlutverki í þróun og þjónustu við opinbera starfsemi.

Helstu verkefni og ábyrgð

Umsjón með net- og þjónustuumhverfi
Rekstur og tæknileg umsýsla tengd MainManager, eignastýringar- og viðhaldskerfi FSRE
Öryggisstýring og eftirlit með rekstri og afritun gagna
Viðhald og þróun á innra kerfisumhverfi og tækjabúnaði
Samstarf við gagnasérfræðinga og ytri þjónustuaðila
Þátttaka í innleiðingu og þróun nýrra lausna
Greining, skjölun og stöðugar umbætur á ferlum

Menntunar- og hæfniskröfur

Háskólamenntun í tölvunarfræði, kerfisstjórn eða tengdu sviði (eða sambærileg reynsla)
Þekking á SQL forritunarmáli er skilyrði
Þekking á Active Directory er kostur
Þekking á Power platform lausnum er kostur
Reynsla af stjórnun og rekstri net- og þjónustukerfa
Þekking á skýjalausnum (sérstaklega Microsoft 365 og Azure) er kostur
Kunnátta eða reynsla af MainManager eða sambærilegum eignastýringarkerfum er kostur
Þekking á netöryggismálum
Góð hæfni í samskiptum og samvinnu
Skipulögð, sjálfstæð og lausnamiðuð vinnubrögð
Góð íslensku- og enskukunnátta

Öllum umsóknum þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Um er að ræða fullt starf. FSRE hefur hlotið jafnlaunavottun og eru laun samkvæmt gildandi kjarasamningi viðkomandi stéttarfélags og fjármála- og efnahagsráðherra f.h. ríkissjóðs. Áhugasamir einstaklingar, óháð kyni, eru hvattir til að sækja um. Umsóknir geta gilt í sex mánuði frá birtingu auglýsingar, sbr. reglur nr. 1000/2019, um auglýsingar lausra starfa.

Æskilegt er að viðkomandi geti hafið störf sem fyrst. Umsókn óskast fyllt út á Starfatorgi.

Nánari upplýsingar veitir Aldís Stefánsdóttir mannauðsstjóri ([email protected]).

Hjá FSRE starfa rúmlega 70 sérfræðingar með breiða þekkingu á sviði fasteignaþróunar, framkvæmda og rekstrar. Við erum spennandi vinnustaður á fleygiferð inn í framtíðina, bjóðum upp á verkefnamiðað vinnuumhverfi og sveigjanlegan vinnutíma. Við leggjum áherslu á að styðja starfsfólk okkar í þekkingaröflun, m.a. í gegnum alþjóðlegt tengslanet. Við brennum fyrir jafnrétti, frábærri vinnustaðamenningu og fjölskylduvænum vinnustað.

FSRE er stofnun sem ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Hlutverk FSRE er að stuðla að hagkvæmri, vistvænni og ábyrgri meðferð eigna í þágu opinberrar starfsemi og samfélagsins í heild.

Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti.

Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt.

Реклама створена 9. May 2025

Кінцевий термін подання заявки21. May 2025

Мовні вимоги