Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Про

Sjálandsskóli óskar eftir umsjónarkennara í 1. bekk

Sjálandsskóli óskar eftir að ráða umsjónarkennara í 1. bekk fyrir skólaárið 2025-2026. Sjálandsskóli er heildstæður grunnskóli fyrir nemendur í 1.-10. bekk og er staðsettur í Garðabæ. Í skólanum eru u.þ.b. 300 nemendur og starfsmenn eru um 60. Í Sjálandsskóla ríkir góður starfsandi þar sem allir starfsmenn vinna saman að því að byggja upp fjölbreytt og skapandi skólastarf. Aðstaða starfsfólks og nemenda er til fyrirmyndar. Leitað er eftir einstaklingi sem er tilbúinn að starfa að sveigjanlegu skólastarfi í teymisvinnu og samkvæmt skólastefnu Sjálandsskóla.

Helstu verkefni og ábyrgð

Skipulag náms og kennslu nemenda í 1. bekk
Sinnir kennslu og hefur umsjón með nemendum
Vinnur að skólaþróun með stjórnendum og samstarfsfólki
Stuðlar að velferð nemenda og samstarfi við foreldra og annað fagfólk
Teymisvinna
Foreldrasamskipti og samvinna heimilis og skóla

Menntunar- og hæfniskröfur

Leyfisbréf til kennslu (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Lipurð og færni í mannlegum samskiptum ásamt metnaði í starfi
Góð íslenskukunnátta er skilyrði á stigi C-1 samkvæmt evrópska tungumálarammanum
Góð tölvukunnátta
Reynsla af starfi í grunnskóla og/eða starfi með börnum er æskileg
Frumkvæði, skipulagshæfni og sjálfstæði í vinnubrögðum
Faglegur metnaður
Áhugi á skólaþróun

Umsóknarfrestur til og með 6. ágúst 2025.

Nánari upplýsingar um starfið veita Sesselja Þóra Gunnarsdóttir skólastjóri, [email protected] og Ósk Auðunsdóttir aðstoðarskólastjóri, [email protected]

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar, án tillits til kyns, eru hvattir til að sækja um.
Umsækjendur eru beðnir um að sækja um með því að smella á Sækja um.
Umsóknum skal fylgja ítarleg starfsferilskrá.

Реклама створена 23. July 2025

Кінцевий термін подання заявки6. August 2025

Мовні вимоги