Lyfja Egilsstöðum - þjónusta og ráðgjöf

Vilt þú hafa áhrif á heilsu, vellíðan og aukin lífsgæði viðskiptavina?

Lyfja Egilsstöðum leitar að jákvæðum og sjálfstæðum einstaklingi með ríka þjónustulund í afgreiðslu og sölu. Starfið felst í almennum afgreiðslustörfum og ráðgjöf til viðskiptavina um val og notkun á lausasölulyfjum og öðrum vörum.

Hlutverk og ábyrgð

• Ráðgjöf til viðskiptavina um val á vörum
• Afgreiðsla á lausasölulyfjum og ráðgjöf um val og notkun þeirra
• Þjónusta og almenn afgreiðlustörf
• Áfyllingar í verslun
• Afhending lyfja gegn lyfseðli

Hvaða hæfni þarft þú að hafa?

• Ríka þjónustulund og gott viðmót
• Áhuga á mannlegum samskiptum
• Reynsla af verslunarstörfum er skilyrði
• Reynsla af störfum í apóteki er kostur

Starfið

Um er að ræða hlutastarf og vinnutími samkvæmt samkomulagi á opnunartíma verslunar:

• Virkir dagar 10:00-18:00
• Laugardagar 10:00-14:00

Hvers vegna Lyfja?

Lyfja er leiðandi fyrirtæki í íslenskri heilbrigðisþjónustu með það að markmiði að lengja líf og bæta lífsgæði landsmanna. Við leggjum áherslu á faglega og hlýlega þjónustu, heilsueflingu og stöðuga nýsköpun.

Við leggjum okkur fram um að skapa vinnuumhverfi þar sem starfsfólk upplifir jákvæðan starfsanda, fær tækifæri til að þróast í starfi og nýtir hæfileika sína til fulls. Við bjóðum upp á öfluga fræðslu, markvissa starfsþróun og leggjum mikla áherslu á gott jafnvægi milli vinnu og einkalífs.

Lyfja rekur 45 apótek og útibú víðs vegar um landið, sem gefur starfsfólki kost á fjölbreyttum og spennandi tækifærum, hvar sem er á landinu.

Nánari upplýsingar um starfið veitir Inga Sæbjörg Magnúsdóttir, lyfsali Lyfju Egilsstöðum í síma 471-1273 og á [email protected]

Farið verður með allar umsóknir og fyrirspurnir sem trúnaðarmál.