Вакансії Talent Pool Робочі місця Освіта

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Про

Háskólamenntaður starfsmaður óskast í íbúðakjarna í Klettatúni á Akureyri

Íbúðakjarninn í Klettatúni 2 óskar eftir að ráða starfsmann með háskólamenntun (BS, BA, B.Ed) sem nýtist í starfi í þjónustu við íbúa. Um er að ræða ótímabundið 100% starf í vaktavinnu. Æskilegt er að viðkomandi geti hafið störf í byrjun maí eða skv. samkomulagi.

Unnið er eftir hugmyndafræði valdeflingar og Þjónandi leiðsagnar eða annarri hugmyndafræði sem mætir þörfum notenda og ákveðin er af velferðarsviði.

Velferðarsvið sér um að veita fólki fjölbreytta þjónustu skv. lögum um félagsþjónustu sveitarfélaga og lögum um þjónustu við fatlað fólk. Lögð er áhersla á að efla og styðja notendur þjónustunnar til sjálfsbjargar og sjálfstæðis. Starfsfólk sinnir ólíkum einstaklingum í fjölbreyttu og skemmtilegu umhverfi.

Helstu verkefni og ábyrgð

Veitir faglega ráðgjöf og stuðning við íbúa og starfsfólk.
Tekur þátt í faglegri uppbyggingu og skipulagningu á einstaklingsmiðaðri þjónustu í samstarfi við forstöðumann.
Samskipti við ýmsa þjónustuaðila og aðstandendur.
Tekur þátt í gerð þjónustuáætlana og dagsskipulags innan hverrar einingar fyrir sig.
Vinnur náið með forstöðumanni og deildarstjórum og er leiðbeinandi við starfsfólk um fagleg vinnubrögð á starfsvettvangi.
Tekur þátt í mótun starfseminnar.
Aðstoðar við athafnir daglegs lífs.
Tekur þátt í öllum almennum heimilisstörfum.

Menntunar- og hæfniskröfur

Háskólamenntun (BS, BA, B.Ed ) sem nýtist í starfi, s.s. á félags-, heilbrigðis- eða uppeldissviði.
Þroskaþjálfa- eða iðjuþjálfamenntun er kostur.
Reynsla af sambærilegu starfi er æskileg.
Reynsla af teymisvinnu er kostur.
Góð almenn tölvukunnátta.
Nauðsynlegt er að viðkomandi hafi bílpróf.
Þekking á málefnum notendahópsins, þ.e. fötluðum og þeirri þjónustu sem þeim stendur til boða.
Sjálfstæð vinnubrögð og frumkvæði, samvinnuhæfni og vera tilbúinn að vinna með hópi fólks.
Góð samskiptafærni.
Gott líkamlegt atgervi.
Góð íslenskukunnátta í ræðu og riti.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.