Skíðasvæðið í Stafdal

Stafdalur er við þjóðveg nr. 93 milli Seyðisfjarðar og Egilsstaða. Á svæðinu eru 3 skíðalyftur og aðstaða fyrir alls konar skíðafólk. Byrjendalyftan er kaðallyfta sem er um 100 metra löng og aðeins opin um helgar og hátíðardögum. Neðri lyfta er diskalyfta um 900 metra löng og hefur 190 metra hæðarmismun. Efri lyfta er diskalyfta um 700 metra löng og hefur 160 metra hæðarmismun. Skíða- og snjóbrettaleiga er á svæðinu og skáli fyrir alla gesti. Stafdalur hefur mjög skemmtilega gönguskíðabraut sem er um 5 km og er hún ávallt troðin þegar tími vinnst til.

Vinnustaðurinn

Ýmis hlutastörf á skíðasvæðinu í Stafdal

Ýmis störf á skemmtilegasta skíðasvæði landsins!

Laus eru til umsóknar ýmis hlutastörf við skíðasvæðið í Stafdal.
Vinna í skemmtilegu umhverfi og sem hluti af frábæru teymi yfir vetrarvertíðina.

Um er að ræða fólk á troðara og lyftuverði. Þjálfun verður veitt eftir þörfum.
Athugið að unnið er að mestu um helgar.

Leitað er að aðilum með reynslu, áhuga og drifkraft til þess að vinna að því að gera skíðasvæðið enn betra en það er í dag.

Næsti yfirmaður er forstöðumaður skíðasvæðisins. Um tímavinnu er að ræða og ráðningartími frá janúar - maí 2024.

Helstu verkefni og ábyrgð

Þjónusta og aðstoð við notendur.
Sala á aðgangskortum.
Leiga á skíðum og öðrum búnaði.
Troðsla á skíðasvæðinu.
Undirbúningur svæðis að hausti.
Viðhald troðara og lyftu.
Að öryggiskröfum skíðasvæða sé fullnægt.
Samskipti við notendur svæðisins.
Lyftuvarsla, eftirlit með lyftum og önnur störf sem þarf að sinna.

Menntunar- og hæfniskröfur

Færni í mannlegum samskiptum, góð samstarfshæfni og jákvætt viðmót.
Sjálfstæði í vinnubrögðum, frumkvæði og drifkraftur.
Hæfni til að bregðast við óvæntum aðstæðum og vilji til að taka þátt í breytingum.
Geta og réttindi til troðslu.
Kunnátta í skyndihjálp er kostur.
Reynsla af vinnu með vinnuvélar og reynsla af viðgerðum og viðhaldi tækjabúnaðar kostur.
Bílpróf kostur.
Ástríða fyrir útivist mikill kostur.

Fríðindi í starfi

Frítt vetrarkort í lyftuna

Öllum umsóknum skal fylgja yfirlit yfir nám og/eða fyrri störf og kynningabréf.

Launakjör eru samkvæmt kjarasamningum sveitarfélagsins við viðkomandi stéttarfélag. Vinnustaðir Múlaþings eru reyklausir og fjölskylduvænir.

Einstaklingar af öllum kynjum eru hvattir til að sækja um.

Nánari upplýsingar um starfið veitir Ashley Milne, í síma 470 0719 og á netfanginu ashley.milne@mulathing.is.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing stofnuð20. nóvember 2023

Umsóknarfrestur14. desember 2023

Starfstegund

Tungumálakunnátta