Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Yfirþroskaþjálfi / deildarstjóri á skammtímadvöl fyrir fatlað fólk - Hnotuberg

Hafnarfjarðarbær óskar eftir að ráða öflugan yfirþroskaþjálfa á skammtímadvöl fyrir fötluð ungmenni, staðsett í Setbergshverfi. Um er að ræða 90 til 100% fjölbreytt og skemmtilegt starf sem unnið er í vaktavinnu. Unnið er eftir hugmyndafræði Þjónandi leiðsagnar með áherslu á réttindi fatlaðs fólks.

Við leitum að áhugasömum einstaklingi með góða færni í mannlegum samskiptum og brennur fyrir að veita frammúrskarandi þjónustu. Ráðning er frá og með 1. júní n.k.

Helstu verkefni og ábyrgð:

Ber ábyrgð á skipulagningu, samhæfingu, áætlanagerð, skýrslugerð, upplýsingamiðlun, ráðgjöf og fræðslu
Veitir starfsmönnum fræðslu og handleiðslu
Framfylgir hlutverki og markmiðum starfsstöðvar
Veitir fötluðu fólki stuðning og ráðgjöf við athafnir daglegs lífs
Vera öðrum fyrirmynd
Tekur virkan þátt í þróunarvinnu
Er staðgengill forstöðumanns í hans fjarveru
Önnur verkefni skv. starfslýsingu og sem yfirmaður felur starfsmanni

Hæfniskröfur:

Starfsleyfi sem þroskaþjálfi eða BA/BS gráða á sviði heilbrigðis- eða félagsvísinda
Þekking og reynsla af starfi með fötluðu fólki
Reynsla af skipulagi faglegs starfs á sviði þroskaþjálfunar
Stjórnunarreynsla er kostur
Reynsla og þekking af teymisvinnu er kostur
Sveigjanleiki og hæfni í mannlegum samskiptum
Frumkvæði, skipulagshæfni og sjálfstæði í vinnubrögðum
Faglegur metnaður í starfi og áhugi á málefnum fatlaðs fólks
Líkamleg geta til þess að sinna krefjandi verkefnum á vinnustað
Íslenskukunnátta skilyrði

Skilyrði er að viðkomandi hafi hreint sakavottorð.

Frekari upplýsingar um starfið veitir Hrönn Harðardóttir, forstöðuþroskaþjálfi í síma 565-2545 netfang: [email protected]

Laun samkvæmt gildandi kjarasamningi Sambands íslenskra sveitarfélaga og BHM

Umsóknarfrestur er til og með 25. apríl 2025

Umsókn fylgi greinargóð ferilskrá

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt14. apríl 2025

Umsóknarfrestur25. apríl 2025

Tungumálahæfni

Íslenska

Nauðsyn

Mjög góð

Staðsetning

Hnotuberg 19, 221 Hafnarfjörður

Starfstegund

Starfsgreinar

Starfsmerkingar

Fleiri störf (33)

Forstöðumaður þjónustumiðstöðvar – Umhverfis- og skipulagssvið